CHAPTER 29

“Naalala mo pa ba ang lalaking pinakita ko sa ‘yo noon. ‘Yong daddy ng batang kamukha ko. Sa kanya itong toothbrush, kinuha ko sa office niya.” sagot ni Tristan sa kanyang kapatid.

“Really?”

“Oo kaya ibigay mo na ang pera mo sa akin. Kung gusto natin na malaman kung sino ang daddy natin ay kailangan natin itong gawin.” matalino na sabi ni Tristan.

Matagal na inipon ni Trina ang kanyang pera. Nanghihinayang siyang buksan ang piggy bank niya. Hindi niya binigay sa kanyang kakambal ang lahat ng pera niya. Pero ngayon ay hihiram na naman ito at nais pa nitong kunin lahat. Masama man ang loob ay inabot pa rin niya ang pera sa kanyang kapatid.

“Singilin mo si Daddy ha. Dapat buo niyang bayaran ang pera ko.”

“Oo naman, babayaran niya ito ng buo. Marami siyang pera kaya babayaran ka niya.”

Sinimulan na ni Tristan na bilangin ang pera ng kanyang kapatid. Nang matapos na niyang bilangin ay inayos niya ito at isinilid sa kanyang back pack. Maingat siyang lumabas sa bahay nila para pumunta sa ka