CHAPTER 32

“Talaga bang wala kang alam?” tanong ni Selina kay Zack.

“Ano ba ‘yon?”

Hindi naniniwala si Selina na walang alam ang lalaking ito tungkol sa mga usap-usapan na kumakalat sa buong ospital.

“Tell me, what is it?” tanong ni Zack.

“Ang mga tao sa labas. Pinag-uusapan nila tayo na may relasyon. Iniisip nila na inaakit kita kaya ako na-promote sa trabaho. Alam naman nating dalawa ang totoo at ayaw ko na dungisan ang reputasyon mo.” sabi niya sa lalaki.

“At kailan ka pa nagkaroon ng pakialam sa reputasyon ko?” kunot noo na tanong ni Zack sa kanya.

“Hindi naman reputasyon mo ang talagang inaalala ko kundi ang sarili ko. Isa lang akong simpleng tao kaya ayaw ko na madamay sa ‘yo–”

“Dok, hindi naman po totoo ang sinasabi nila. Hindi mo naman po inaakit ang daddy ko. Kaya please, magstay ka po dito.” sabi ni Zayn.

“Narinig mo naman siguro ang sinabi niya?” malamig na tanong ni Zack kay Selina.

“Dok Enna, kahit po maliit itong bed ko ay dito ka na lang po sa tabi ko. Puwede po tayong magkatabi