CHAPTER 36

“Dok Enna, what’s the meaning of this?” tanong niya kay Selina.

Dahil sa nagsalita si Dok Jerick ay doon pa lang napansin ni Selina na may ibang tao silang kasama ni Tristan. Kaagad na kumalabog ang kanyang dibdib at hindi niya alam ang dapat niyang sabihin.

“Hello po, kumusta po kayo? Ako po si Tristan anak po niya ako. Masaya po ako na makilala ka, tito.” nakangiti na pakilala ni Tristan ng kanyang sarili sa doktor.

Hindi naman makapaniwala si Jerick sa kanyang narinig kaya mabilis siyang lumapit kay Selina para magtanong.

“Dok Enna, totoo ba ang sinabi niya? Anak mo ba talaga siya?”

“Yes, dok. He’s my son,” sagot ni Selina sa lalaki.

Parang gustong himatayin ni Jerick sa kanyang narinig. Sa loob ng limang taon ay magkakilala na sila ni Selina. Naging classmate niya ito sa medical school kaya hindi siya makapaniwala na may anak na pala ito.

At mas nagulat siya dahil ang batang nasa kanyang harapan na nagpakilala na anak ni Selina ay kamukhang-kamukha ni Zayn. Hindi niya ma-process