CHAPTER 35

Hindi alam ni Tristan kung kaya ba niyang pigilan ang sarili niya na hindi magalit sa narinig niya mula sa babae. Kahit kailan ay puro pananakot na lang ang ginagawa nito. Wala na ba itong kayang gawin kundi ang manakot ng batang walang laban sa kanya.

“I like her so much. Mabait siya at mas maganda siya kaysa sa ‘yo. May gusto ka siguro sa daddy ko kaya gusto mo na nandito palagi.”

Lalong nagalit si Rena sa kanyang narinig mula sa bata. Hindi niya talaga inaasahan na maririnig niya ang mga ganitong salita sa batang ito. Kailan pa ito nagkaroon ng lakas ng loob na sumagot sa kanya at sinabihan pa talaga siya ng bata na mas maganda sa kanya si Selina.

“Ang lakas ng loob mo na sumagot-sagot sa akin.”

Hindi niya matanggap na mukhang masaya ito sa piling ni Selina.

“Siguro nga ay kailangan na naman kitang bigyan ng leksyon.” saad niya at ng akmang sasaktan niya ito ay biglang sumigaw ang bata.

“Help me! Help me!” sigaw ni Tristan kaya nagmamadali namang pumasok sa loob ng room ang mga bo