CHAPTER 37

Nagulat ang lahat sa kanilang narinig mula sa bibig ni Rena. Lumaki ang mga mata nila sa rebelasyon na kanilang nalaman. Lalo na si John, hindi siya makapaniwala sa kanyang narinig. Hindi ba talaga patay ang dating asawa ng kanyang boss? Isa pa, hindi ba natatakot si rena sa kanyang boss?

“Ano ba ang sinasabi mo Miss Rena? Nasaan ba si Mrs. Miranda?” tanong ni John at hindi na hinayaan si Zack na magsalita.

“Hindi mo ba nakikita? Siya ang sinasabi ko, tingnan mong mabuti.” sagot ni Rena sabay turo kay Selina.

“Ano ba ang sinasabi mo? Doktor siya ni Zayn.” saad naman ni John.

Mabilis naman na lumapit si Rena kay Zack.

“Kuya, sa loob ng apat na taon ay ako nag-alaga kay Zayn. ako ang tumayong mommy niya habang wala ang ate ko. Tinuruan ko siya, pinalaki ko siya na mabait na bata kahit pa minsan ang kulit-kulit niya. Kaya mas paniniwalaan mo ba ang babaeng ‘yan kaysa sa akin?” umiiyak na tanong ni Rena sa lalaki.

“May dapat ba akong paniwalaan sa ‘yo? Kapani-paniwala ka ba?” malamig na t