Chapter 7

Kinaumagahan…

Naramdaman ni Kerby ang pangangati ng kanyang pisngi. Suminghot siya. Narinig ang mahinang boses ni Thessa

“Bella, wag mong istorbohin ang kapatid mong natutulog. Halika, magtitimpla tayo ng gatas.”

Nanumbalik sa memorya niyang sumama nga pala siya sa ina kahapon.

Nang iminulat ni Kerby ang kanyang mga mata, ang nakangiting mukha ni Bella ang nabungaran niya.

Pumapalpak si Bella nang makitang gising na ang kapatid. “Kuya!”

Lumingon si Thessa nang mapansing gising na si Kerby, “anak, kung inaantok ka pa, pwede kang matulog ulit.” aniya nang mapansing humihikab pa ito.

Iling lang ang tugon ni Kerby.

Ang paggising na katabi ang ina ay tila ba nakatulong upang mas mapabilis ang pagkawala ng lagnat niya.

Hinawakan ni Thessa ang noo ng anak at nakitang wala na nga ang lagnat. Napahinga siya ng maluwag.

Pagkatapos ng almusal kasama ng mga anak, dinala sila ni Thessa sa bakuran at naglaro.

Doon ay may malaking duyan na gawa sa rattan. Si Thessa naman ay nakatayo sa likur