ACCEPTANCE

Chapter 86

“Irespeto mo naman ako bhie. Tanggapin mo naman ako pati ang mga sinasabi ko kung gusto mong tatanggapin ko rin pati ang lahat ng maling ginagawa mo. Pag-aralan mong mabuti ang mga bintang mo sa akin ngayon.” Itinaas niyang muli ang laylayan ng kanyang damit at pinunasan ang luha niya. Yumuko siya. Huminga muna ng malalim. “Ansakit kasi na pinagbibintangan ka ng wala ka namang ginagawang masama. Ang hirap ng pinagbibintangan ka na hindi mo alam kung paano mo patutunayang mali ang hinala dahil hindi ka naman pinakikinggan o pinagkakatiwalaan. Alam mo ba kung gaano kasakit iyon? Please lang bhie, sa lahat ng ayaw ko ay ang mag-aaway tayo sa simpleng dahilan. Ayaw kong magkaroon ng mitsa ang relasyon natin sa wala namang kadahi-dahilan. Ngayon, magpakatotoo ka sa akin, sabihin mo kung ano ang problema mo para ihanapan ko ng solusyon.”

“Lahat, Jake lahat ng binanggit mo. Ayaw ko ang pagpunta mo sa Houston kasama si Jenny, naghihinala ako sa inyo, ayaw kong i-drop mo ang mga sub