Chapter 85

Sa kumpanya ng mga Fuentabella,

Kagagaling lang sa meeting ni Alejandro. Pabalik na siya sa kaniyang opinisa nang sabihin ng kaniyang secretary na dumating ang kaniyang ina na si Melissa.

May hula si Alejandro kung bakit biglaan ang pagpunta ng kaniyang ina sa kumpanya. Hindi naman ito ang klase ng ina na palabisita kung walang kailangan… o kung walang nalaman.

“What are you doing here, Ma?” kalmadong tanong niya nang makapasok sa opisina.

Iritableng lumingon sa kaniya si Melissa, ang mukha nito ay gusot at hindi maipinta.

“Alam mo na dapat kung bakit ako nandito, Ali,” sagot ni Melissa. “Last night, I heard that you were in the club. Sa harap ng maraming tao ay tinanggi mo ang engagement niyo ni Sophia. Totoo ba ito?”

Mabilis na kumalat ang balita tungkol sa nangyari sa club no’ng gabing ‘yon. Nasa headline ito ng mga dyaryo at pati na rin sa TV. Umaga pa lang ay tumawag na ang mga amiga ni Melissa upang makiusosyo sa tsismis na bigla na lang lumitaw tungkol kay Alejandro at Soph