Chapter 89

Puno ng poot ang mga mata ng matandang babae dahilan para manginig sa kinatatayuan si Sophia. Ni hindi niya magawa na tingnan ito nang diretso. Para siyang kandilang nauupos dahil sa galit nito.

“Mama, pwede bang huwag natin pag-usapan ito ngayon? Kaarawan mo kaya naghanda kami ng maliit na salo-salo. Si Sophia mismo—”

“Sa tingin niyo ba ay madadaan niyo ako sa mga ganitong pakulo? Masyado mo yatang minamaliit ang Mama mo, Carmina.”

“Lola, hindi naman po iyon ang ibig sabihin ni Mommy…”

Nagtaas ng kilay ang matanda. “Huwag mo akong pinapatawa, Sophia. Our family raised you for so many years. Kung may utang na loob ka talaga, hindi mo pagmamalupitan ang apo ko. Mula noon hanggang sa pagbalik niya… puro gulo ang binigay mo sa kaniya.”

“Lola, hindi po—”

“Huwag kang sinungaling.” Naningkit ang mga mata ng matanda at dinuro siya. “Iyang bulok mong ugali ang dahilan kaya hindi napalapit ang loob ni Klaire sa amin. Imbis na suklian mo ng kabutihan ang pagpapalaki namin sa ‘yo, tinataboy