003 - The Mistress

Binuhos ni Callie ang mga luha nang gabing ‘yon habang marahan siyang inaalu ng kakambal na si Natasha. Ang malawak niyang kwarto sa mansyon na ‘yon ang naging saksi ng lahat ng sakit at pagdadalamhati ng puso niya.

Hindi niya matanggap na parang basura lamang ang turing ng mga ito sa kaniya… sa kabila ng kabutihan na pinakita niya at ang labis na pagmamahal na binuhos niya sa lalaki ay ito lamang ang igaganti nito sa kaniya… nang dahil lang sa tingin nito ay hindi nababagay ang isang hamak na sales lady na kagaya niya sa kaniya.

“Nagpakababa ako para sa kaniya. Tiniis ko lahat ng pagmamaltrato sa akin ng Mama niya ‘tapos ito lang ang ibabalik niya sa akin?” may diin niyang wika at nag-angat ng tingin kay Natasha na patuloy sa pagpapagaan ng loob niya habang nakahiga sila sa kama. “Humanda sa akin ang walang hiyang ‘yon, Natasha. Makikita niya kung ano ang totoong pinakawalan niya…”

Tumango si Natasha at determinado siyang tiningnan.

“You should fight, Callie. Ang mga gano’ng klas