007 - Pamilya Fuentabella Pt. 2

Fuentabella Grand Hotel

Pagpasok pa lamang sa lobby ay manghang-mangha na ang mga Camero sa karangyaan ng buong lugar. Tuwang-tuwa si Aurora Camero habang nakayakap sa bisig ng asawang si Robert Camero.

“Napakayaman talaga ng mga Fuentabella!” bulalas ni Aurora na pusturang-pustura sa suot na kulay abong long gown. “Kapag nagkapirmahan na ng kontrata ngayong gabi ay magkakaroon na tayo ng pagkakataon na mas yumaman pa. Hindi magtatagal ay magagawa rin nating makapagpatayo ng mga ganito o ‘di kaya ay lagpasan pa ang narating ng mga Fuentabella!”

“Tama ka riyan, sweetheart. Mas lalong dadami ang pera natin kapag kumapit tayo sa mga Fuentabella na magagamit nina Laurence at Julia sa pagbuo ng mga bigtime na negosyo! Makikilala ang pamilya natin sa buong bansa at titingalain din tayo ng lahat!” Humalakhak naman si Robert.

Nagkatingin naman sina Laurence at Julia. Pusturang-pustura din ang mga ito sa suot na kulay asul na suit at pants at off-shoulder na long dress. Hindi mawala ang ng