004 - The Mistress P.2

“Walang hiya ka!” gigil na angil ng kabit ni Laurence at umamba upang sampalin siya.

Ngunit mabilis na napigilan ni Callie ang paglapat ng kamay nito sa kaniyang pisngi. Dahil sa galit ay hindi niya napigilan ang sarili at tinulak ang babae, dahilan para mahulog ito sa sahig.

“How dare you!” sigaw ng babae sa inis.

Dahil doon ay ilang mga mata ang nilingon sila. Mabigat na huminga si Callie, nagtatagis ang bagang habang galit na pinakatitigan ang kabit ng asawa niya na kasalukuyang gumagawa ng eskandalo upang kunin ang simpatya ng mga taong naroon.

“Julia!” tawag ng pamilyar na boses.

Mabilis at nag-aalalang dinaluhan ni Laurence ang kabit nito, sinuportahan ito sa pagtayo at tiningnan ang mga braso kung may natamo itong galos. Bahagyang kumirot ang puso ni Callie sa nakikita. Laurence looked very concerned with his b!tch of a mistress which doubled the anger in her heart. Ni hindi niya nakitang mag-alala ito sa kaniya noon!

Galit siyang tinapunan ng tingin ng asawa.

“What