Chapter 8b

Kinabukasan, bumisita si Emerald sa kanyang nanny, tulad ng sinabi niya kay Jace. Bago umalis ay nagpaalam muna na isya na medyo matatagalan siya ng uwi dahil sa kaarawan ng kanyang pinakamamahal na yaya.

“Hi, nanny! Kumusta ka na ngayon?” bati ni Emerald pagpasok sa silid ng ospital. Nagmukha siyang masigla kahit na hindi siya marinig o makita ni Lucy. Nananatili itong walang malay, at hindi masabi ng doktor kung bakit hindi pa rin ito gumagaling.

Hila-hila ni Emerald ang upuan papalapit sa hospital bed at naupo. “Maligayang kaarawan, nanny.” Bati niya kay Lucy at hinalikan ang kamay nito. “Sana gumaling ka na. Sasabihin ko sa asawa ko na doon ka na tumira sa amin, at magiging masaya tayo pagnakalabas ka na dito. Gusto mo ba iyon?” patuloy niya.

Habang nananatili si Lucy sa ospital, hindi nawalan ng pag-asa si Emerald na gagaling ang kanyang nanny. Naniniwala siya na sa patuloy niyang panalangin, maririnig at tutugunin ng Diyos ang kanyang hiling.

Dumating din si Dr. Sanders upang bis