Chapter 8

Akala ni Thea ay matutuklasan na ni Joyce na nakabalik na siya sa Pilipinas ngunit ilang hakbang na lang yata ang layo nito sa kanya ay bigla itong pinigilan ni Neil.

"C'mon, Joyce. Alam ko ang iniisip mo. Imposibleng si Thea iyan na pinsan mo. For sure nasa Amerika pa rin ang babaeng iyon ngayon at baka namamalimos na sa lansangan. At sa tindi ng kahihiyan na inabot niya nang gabing iyon ay natitiyak ko na wala na siyang mukha na maihaharap pa sa mga kamag-anak ninyo at lalong-lalo na sa mga magulang niya. Natitiyak ko na hinding-hindi na niya gugustuhing makabalik pa rito sa Pilipinas. Baka nga nagbigti na iyon sa Amerika dahil sa sobrang sama ng loob," kausap ni Neil kay Joyce.

Kahit na lihim na nagngingit ang kalooban ni Thea dahil sa mga sinabi ni Neil patungkol sa kanya ay gusto pa rin niya itong pasalamatan ng lihim dahil kung hindi sa mga sinabi nito ay hindi hihinto sa paglapit sa kanya si Joyce. Kahit paano ay napigilan nito na mabuko siya ng kanyang pinsan.

"Tama ka, maha