Chapter Four

"Do you think, my friends will like those?" tanong sa'kin ni Tucker. Grabe talaga ang isang 'to, ang dami niyang binili hindi man lang kayang tumulong. Mas nauna pa siyang maglakad sa'kin, bakit ba kasi ang dami kong kinuha para sa sarili ko, tapos siya unti lang naman talaga ang binili niya para sa mga kaibigan nito.

"Kaya mo pa ba?" rinig kong tanong. Tanging tango na lang ang naisagot ko.

"Magugustohan naman po siguro ng mga kaibigan mo sir," sabi ko. Sana pala walo na lang ang kamay ko.

"Eh ikaw nagustohan mo naman ang mga kinuha mo?" he asked. Aba syempre naman kahit hindi mo ako tinulongan magdala.

"Oo naman sir, pasensya na po kung marami. 'Yong iba kasi para sa mga kapatid ko, pakibawas na lang po sa sweldo." pero 'wag naman sana ibawas talaga.

"Sige, mahigit binayad ko sa mga 'yan ay kalahati ng sweldo mo." Bigla akong nanlumo sa sinabi niya. Baka sa isang buwan wala akong sweldohin.

Nakarating na kami sa kotse, nauna itong sumakay at ako inayos ko pa ang mga paper bags sa likod ng kotse. Sumakay na rin naman ako pagkatapos at agad kong sinuot ang seatbelt dahil baka mapano na naman ako.

Hindi na kami nagsasalita dalawa, agad na siyang nagmaneho. Nakatingin lang ako sa labas, iniisip kung paano ko magagawa ang trabaho ko. Sana naman maging maayos ang kahinatnan pagkatapos.

"Taga saan ka pala?" Napalingon agad ako sa kanya nang magsalita ito. Nabagot 'ata si papi. Pero hindi ko alam kung ano ang isasagot ko, wala naman talaga akong bahay o lugar. Bawal ko sabihin 'yong lugar namin, baka mapahamak ang buong organisasyon.

"Taga province ako," pagsisinungaling ko. 'Wag na sana siya magtanong p—

"So do you have family? Nasa province sila?" awit naman talaga. Dahan-dahan akong tumango, napaiwas ako ng tingin at pumikit nang mariin. 

"We're here, magpatulong ka na lang sa iba," he said pagkatapos mag-park ng kotse. Agad naman akong lumabas at sakto ay nagsilabasan ang ibang katulong. Tumulong sila sa'kin na dalhin ang mga paper bags.

"Ang dami naman nito," komento agad ng isa. Sinabi mo pa teh, 'yong iba r'yan ay akin.

"Saan natin 'to ilalagay, sa kwarto ba ni sir?" tanong ng isa, nilingon ko siya at tiningnan ang dala nilang paper bags kung saan ang iba kong damit.

"Ah, sa kwarto ko., I said at yumuko bigla. Ngumiti ako nang bigla silang lumingon sa'kin sabay. Ang dalawa sa kanila ay nakakunot ang noo.

"Bakit sa kwarto mo? Ikaw ba inutosan na ibalot ito?" the one helper asked, sa kanya nakatuon ang attention ko kaya ngumiti ako at tumango sa kanya.

"Ah oo, ako ang inutosan niya. Hmm tara na?" nahihiya kong sabi. Nauna akong maglakad at nagmamadaling pumunta sa kwarto ko, hindi ko na napansin si Manang Petra nang dumaan siya sa sala.

Hindi ko na pinapasok ang mga katulong sa kwarto, pinalapag ko lang sa kanila sa sahig. Dahil bawal silang pumasok sa kwarto ko at baka kung ano pa ang makita nila dito. Nilapag ko lahat ng paper bags sa kama, kahit 'yong para sa kaibigan ni Tucker nasali rito. I sighed habang pinagmasdan ang maraming paper bags.

Paano ko kaya ito itago at mailabas nang maayos? Kailangan kong ibigay sa mga gaga ang ibang nandito. Inayos ko 'yong mga paper bags na para sa'kin at tinabi naman ang para sa mga kaibigan ni Tucker, hihingi na lang akong pang balot mamaya.

Lumapit ako sa cabinet ko para kunin ang maliit na cellphone, I was about to dial the number of Almina nang biglang may kumatok. Ibinalik ko agad ang cellphone at agad binuksan ang pinto. Isang katulong ang ngiting-ngiti na nasa harap ko. Pinigilan kong umirap dahil sa itsura niya, wala pa ang isang ngipin.

"Kakain na tayo para makapaghanda sa pag-uwi ng magulang ni sir Tucker," she said, kinunotan ko siya ng noo. Bakit kailangan pa maghanda kasama ako, ang dami na nila sa kusina. "Tara na," dagdag pa niya at bigla akong hinila, ang feeling close naman ng babaeng 'to.

Nakarating kami sa hapagkainan na kung saan para lang sa mga katulong at iba pang tauhan. 'Di ba ang taray may pang katulong at guards na kaininan.

"Bilisan niyo na Alora at Lina," sabi sa'min ni Manang. Lina pala ang pangalan ng feeling close na babaeng 'to. Hindi na rin ako nag-aksaya ng oras, kumuha ako ng plato at kumain na kasabay ang iba.

Dahan-dahan lang akong kumakain, hindi pinapansin ang iba kahit na nakikita kong nagmamadali silang matapos. 'Yong iba nagsitakbuhan agad sa labas pagkatapos nilang kumain, ang corny naman dito papanget ka-bonding.

Hindi ko pa rin nauubos ang pagkain ko hanggang sa ako na lang ang natira sa lamesa. Wala pa rin akong pakealam kung nagsi-alisan na si—

"Jusko kang bata ka! Bilisan mo kumain, hindi ikaw ang amo rito." Pagsulpot ni manang at sinermonan ako. Gusto kong umirap sa inasta niya, gaano ba kahalaga 'yang mga taong darating na 'yan.

Binilisan ko nalang ang pagkikos ko. Sumunod na rin ako kina Manang at nakita ko ang  mga katulong na humalera sa may pintuan. Anong ganap natin mga teh?

Hindi ko pa nga siya natingnan nang mabuti agad naman akong hinila ni Manang at pinapila kasama ang iba, sinunod ko na lang ang ginagawa nila. Naka tayo nang matuwid at seryosong nakatingin sa harap. Bubulongan ko na sana ang katabi ko para tanungin kong anong trip nila nang biglang may pumasok na babae, napanganga ako nang makita ang outfit niya, nakasumbrero itong itim na pang sosyal, kulay blue ang suot n'yang dress at ang haba pa ng takong na suot niyang heels. Ano bang meron at ganito ang suot ng isang 'to.

"Sino yan?" kalmado kong tanong sa katabi ko, laking gulat ko naman na narinig pala ng iba 'yon pati na rin ang babae kaya atomatikong lumingon siya sa pwesto ko na nakataas ang isang kilay. Akala ko naibulong ko 'yon. Shit naman.

Naglakad papalapit ang babae papunta sa pwesto ko, taas no ko pa rin itong pinagmasdan. "Are you new here?" she asked, hindi pa rin nagbabago ang expression. I was about to answer her nang biglang nagsalita sila Manang.

"Pasensya na Madam, bago lang po siya rito kaya hindi niya po alam." Nakayukong sabi ni Manang, kahit kailan talaga bigla na lang nagsasalita 'to si Manang. Ako 'yong tinanong eh.

"I'm not talking to you Petra, I'm talking to this cheap girl in front of me." luh, mama mo cheap girl. I smiled at her kahit na ang sarap niyang ingudngod. Sino ba kasi 'tong kupal na 'to.

"Baka ikaw an—"

"Mom, you're here!"Nanlaki ang mga mata ko nang biglang dumating si Tucker, agad itong lumapit sa babaeng kaharap ko at yumakap. "How's in the road?" he asked. Hinawakan ng babae ang pinsgi ni Tucker.

Potek naman Klai, muntik na 'yon, Nanay pala siya ni Tucker. Minsan talaga kakupalan ng bibig at ugali mo Klai.

"I'm good son, nasa kwarto na nila ang mga kapatid mo. May pinahanda ka ba?" her mother asked, tumango si Tucker bilang sagot.

Tinawag na kami ni manang para umalis na at ayusin ang kung ano nang biglang nagsalita ang Mama ni Tucker.

"Cheap lady, stay." what the fuck! Hindi ako lumingon dahil hindi naman ako cheap, sa gandang ko 'to tatawagin niya lang akong cheap at anong stay? Mukha ba akong aso, aba talaga bastusan. "Hey, I'm talking to you, bumalik ka rito babae," dagdag pa nito.

"Mom, what happened?" rinig kong tanong ni Tucker. Sana ilayo niya ang Mommy niya habang nakapagtimpi pa ako.

"'Yong new maid natin kasi, binastos niya ako kanina," she said, napapikit ako nang mariin nang hawakan ni Manang ang braso ko. Tumingin ako sa kanya.

"Puntahan mo muna anak, humingi ka na lang ng tawad. Mahirap kausap ang babaeng 'yon," she said, mahirap pala bakit ko pa kakausapin. Manigas siya, akala mo kung si—

"Alora, sumunod ka kung tinatawag ka ni Mommy, she's your boss too." halos mawala ata ang mata ko dahil sa pag-irap. Like mother like son ba 'to? Kung hindi niya lang ako binilhan ng damit kanina hindi ko siya lilingunin.

I smiled at them bago lumapit pabalik sa kanila. "I'm sorry for what I did earlier Ma'am, I'm just new here and I didn't know who you are. No one inform me about you Madam," sunod-sunod kong sabi habang nakayuko. Nagtaka naman ako na wala akong marinig na sagot. Dahan-dahan akong tumingin sa kanila at napakunot ang noo ko nang makita ang reaction nilang nakanganga.

"Ma'am, Sir? Ayos lang po ba kayo?" I asked. Kumurap naman ang Mommy ni Tucker.

"D-don't be trying hard to s-speak English, hindi bagay sa'yo muchacha." eh? 'Yon ba ang dahilan kung bakit nakanganga lang sila kanina, psh stupid.

"Oh, I'm sorry. Can I join them now to do the household chores Sir, Ma'am?" Nakangiti kong tanong. Mainis kayo please. Ang ayaw ko pa naman ay 'yong iniinsulto ako.

"Yeah, go ahead," si Tucker na ang nagsabi, tumingin muna ako sa kanya at ngumiti ng napaka tamis bago ako tuloyang tumalikod. Napaismid ako nang nakatalikod na, bigla kasing nanlaki ang mga mata ni Tucker nang ngumiti ako sa kanya. Makuha ka sa ngiti.