Chapter Five

Isang buwan na ako rito sa mansyon pero hindi ko pa rin nahahanap ang bagay na 'yon. Sa laki ba naman kasi ng bahay na 'to paano ko 'yon mahahanap.

"Ilang kwarto ulit nandito, Len?" tanong ko sa kasama kong naglilinis dito sa sala. Hindi naman siya huminto sa paglilinis at sinagot lang din ang tanong ko.

"Kung kasama sa bilang ang mga kwarto natin, 25 lahat." grabe, ang yaman talaga, kahit isang buwan na ako rito hindi ko pa rin maiwasan mamangha sa katayuan nila Tucker.

"May kwarto pa ba tayong hindi napapasukan maliban kay sir Tucker?" pasimple kong tanong.

"Napasukan na natin lahat, kay Sir lang talaga hindi pa. Siya mismo ang naglilinis ng kwarto niya," sagot nito. "Bakit?" tanong niya pa. Umiling lang ako sa kanya bilang sagot.

Kung gano'n, nasa kwarto niya ang hinahanap ko.

Nang matapos ko ang trabaho ko, pumunta muna ako sa kwarto ko para tawagan si Almina. Baka kasi may isa na ang nakatapos sa trabaho.

"Yoh bitch, how are you?" ayan agad ang bungad sa'kin ni Almina nang masagot niya ang tawag ko.

"Potek na man, isang buwan na ako rito hindi ko pa rin mahanap ang pesting diamond na 'yon," reklamo ko kaagad. Dapat kasi kay Fresha nalang 'to, mas mabilis maghanap ang babaeng 'yon.

"Oh, ano ba usapan? Kapag hindi mahanap agad do the plan B, make him fall in love to you and boom that's it," she said na para bang ang dali-dali lang talaga magpa-fall. "But remember, do—"

"Yeah, yeah I know. Don't fall in love," patuol ko sa kataga niya pagkatapos umirap kahit hindi niya nakikita. "By the way, may nakauwi na ba sa tatlo?" tanong ko.

"Wala pa, tatawagan ko rin sila," she answered. Nagpaalam na ako at binaba ang tawag dahil kanina pa may kumakatok na epal sa pinto. Padabog akong naglakad papuntang pinto at huminga nang malalim para ikalma ang sarili ko.

Pagkabukas ko, bumungad sa'kin si Tucker na naka topless. Halos manlaki ang mga mata ko at napa-awang ang labi nang makita siya sa harapan ko. Potakte, ulam naman pala talaga ang isang 'to. Pawis na pawis ang kanyang katawan, dumadaloy ang tubig pawis papunta sa abs niya. Shit, ang swerte naman ng mata ko, nakakita ako ng masarap na puwedeng ula—

"Would you mind if I will come in?" Natigilan ako sa sinabi niya, bakit siya papasok sa kwarto ko, ang laki-laki ng kwarto niya eh.

"S-sir?" paninigurado ko pero imbis na sagutin niya, agad nga siyang pumasok sa loob at sinarado ang pinto. Naghanap siya ng kung ano. Halos manlaki ang mga mata ko nang hilahin niya ang tuwalya kong nakasabit, nahulog ang mga kasama nitong underwears. What the hell?! Agad kong kinuha ang mga gamit ko.

"Oh, is that panty and bra?" potangina, nagtanong pa. Tinago ko agad ito sa likod ko.

"A-ano po bang ginagawa niyo rito?" kinakabahan kong tanong, pakiramdam ko ay namumula na ang pisngi ko sa kahihiyan.

"Kanina pa ako nagtatawag ng katulong pero walang lumalapit, pagkapasok ko sa hallway ninyo itong kwarto agad ang pinaka-malapit sa'kin, kaya I knocked, why? Masama ba?" oo pota, masama. Amo ka, bakit ka papasok sa kwarto ng katulong mo?

"P-po? Ahh, h-hindi po," sagot ko sabay iwas ng tingin sa kanya, naiilang ako sa mga tingin nito lalo nang sulyapan niya ang nasa likod ko.

"May kailangan pa po ba kayo?" tanong ko ulit, hindi niya kasi ulit ginamit ang tuwalya ko.

"Wala na, kailangan ko lang talaga ng tuwalya," he said at binalik niya ang tuwalya sa kama ko. Pinagmasdan ko lang siyang naglalakad papunta sa pinto. Akmang lalabas na siya nang lumingon ulit 'to sa'kin.

"By the way, you have a big cup." Nanlaki ang mga mata ko sa sinabi niya at tuloyan na siyang lumabas. Naiwan akong hindi makagalaw sa kinakatayuan ko.

Shit, ano 'yon? Teka lang, kailangan kong huminga. Hindi ako makagalaw sa pwesto ko. Pinagpapawisan ako sa sinabi niya, what the fuck is that?

Halos mapatalon ako nang may kumatok na naman. Bumalik ba siya? Inayos ko muna ang sarili ko bago buksan ang pinto.

"M-manang," si Manang lang pala.

"Anong nangyari sa'yo? Bakit ang pula ng mukha mo?" Napahawak ako bigla sa pisngi ko, nakaramdam nga ako ng init. Napaiwas ako ng tingin kay Manang.

"Ah, w-wala po." Ngumiti ako sa kanya at pinakalma ang sarili. Nakikita ko na naman ang hubad na katawan ni Tucker sa isipan ko, delikado.

"Pinapatawag ka ni Tucker sa kwarto niya." Gulat akong tumingin kay Manang. "P-po?" paninigurado kong tanong.

"Oo, hindi ko alam kung bakit ka niya pinapunta sa mismong kwarto nito, hala sige bilisan mo na lang." after of what she said, tinalikuran niya na ako. Nanlaki pa rin ang mga mata ko sa sinabi niya, hindi makapaniwala. Bigla tuloy akong kinabahan.

Huminga ako nang malalim at hinanda ang sarili. Naglakad ako sa pasilyo patungo sa kwarto ni Tucker, hindi ko parin alam kung bakit niya naisipang papuntahin ako sa kwarto niya. But, at the same time ito na rin ang pagkakataon na masaksihan at mapagmasdan ng mabuti ang loob ng kwarto nito, sigurado akong nandoon ang hinahanap ko at ang mismong pakay ko sa kanya. Kailangan kong mahanap iyon para maka-alis na ako rito, kapag siguro nagtagal pa ako lalo, naisip ko pa lang hindi ko na kakayanin.

Huminga ako ng dalawang beses bago kumatok na agad din namang binuksan, napatulala ako sa lalaking kaharap ko, bumaba ang tingin ko sa nakahubad niyang katawan. Tanging puting tuwalya lang ang nakatakip, bastos bakit tinakpan niya pa!

"Tapos ka na bang mag-imagine?" Otomatikong bumalik ang tingin ko sa mukha nito, basa pa ang kanyang buhok. Lumunok ako ng dalawang beses at tinatagan ang loob ko. Baka bumigay ako at makagat ko ang isang 'to.

"Pinapatawag niyo raw po ako?" tanong ko sa kanya, I saw him smirked.

"Yeah, pakilinisan 'yong kwarto ko." pagkasabi niya ay agad siyang tumalikod. Nagtataka pa rin akong nakatingin sa likod niya. All of the sudden pinapunta niya ako sa kwarto niya, bakit?

"Uhm excuse me po sir? B-bakit niyo po naisipan na palinisan ng iba ang kwarto niyo?" diretsong tanong ko.

"Hindi ka binayaran para magtanong ng walang kwentang bagay." Napanguso ako dahil sa sinagot niya. Napaka sungit, kung wala lang akong kailangan sa lalaking 'to matagal ko na siyang tinumba.

Huminga muna ako nang malalim bago ko simulan ang paglilinis sabay pagmamasid. Sana talaga may makita akong suspicious dito. Lahat na ng pwedeng hanapan ay pinuntahan ko, kahit mga maliliit na kabinet. Gaano ba 'yon kalaki? Saan kaya nagkasya 'yon? Bakit ba kasi ang daming gamit dito, tinaggal ko lahat ng nasa maliliit na lamesa para tignan kung nandito ba. Inalis ko rin lahat ng damit niya sa cabinet. Potek naman, saan ba nakalagay—

"What the hell are you doing!" Nataranta agad ako nang marinig ang sigaw niya sa buong paligid. Hindi ko alam kung ano ang gagawin ko, tiningnan ko ang mga gamit na nagkalat sa loob ng kwarto. Pati ang mga damit niya na maaayos naman kanina ay nagkalat.

Shit, ano bang ginagawa ko. "A-ah, naglilinis po," taranta kong sabi. Agad kong inayos ang mga kinalat ko, hindi ko napansin ang ginagawa ko habang naka focus ako sa paghahanap.

"Nililinis mo o kinalat mo lang?" tanong niya. Nilingon ko siya at ngumiti ako sa kanya kahit na binalutan ako ng kaba.

"Sayang naman po kasi ang pagpunta ko rito kung maglilinis ako ng malinis na, kaya po kinalat ko para naman masabi na may lilinisin po ako." sana naman pumasa ang kawalang kwentang rason ko.

"Get out!" I looked at him nang sabihin niya iyon, hindi pa nga ako tapos maglinis.

"Sige po mamaya, linisin ko lang p—"

"Tawagin mo na lang ang isa pang katulong para maglinis ng kalat mo," sabi nito at tumalikod sa akin.

"Hindi na po sir, pasensya na po. Ako na ang maglili—"

"I SAID, GET OUT!" Halos mapatalon ako sa gulat dahil sa pagsigaw niya. Hindi naman ako natatakot pero ayaw ko lang talagang ginigulat ako.

Masama ko siyang tiningnan nang maka-ayos ako ng tayo. "HINDI MO NAMAN KAILANGAN SUMIGAW, POTANGINA KA!" sigaw ko pabalik.

Kita ko kung paano nanlaki ang mga mata niya dahil sa sigaw ko. "D-did you just, did you curse me?" parang hindi niya mapaniwalang tanong. Doon ko lang napagtanto na minura ko nga pala siya, shit!

"Hala, sorry, sorry po. Hindi ko po sinasadya, sorry." paulit-ulit akong humingi ng sorry sa kanya, tangina bakit ba ako sumigaw at nagmura? Sinigawan niya rin ako kaya ko nagawa 'yon, tama. Self defense ang tawag kapag gumanti ka, wala akong kasalanan. Hindi pa ako makukulong dahil lang minura ko ang amo ko.

"Sorry po talaga." Kunyari naiiyak ako, bumaba pa ako para lumuhod sana nang hinila niya ako palabas ng kwarto. Nang bitawan niya ang kamay ko, hinaplos ko agad ang namumulang balat ko gawa nang mahigpit na hawak niya.

Napaka brutal talaga ng lalaking 'to. Hindi niya ba alam na ang mahal magpaputi at magpaayos ng kutis tapos ganito lang gagawin niya sa kutis ko, namumula!

Tumingin ako sa kanya na masamang nakatingin din sa akin. "S-sir, sorry po talaga. Nadala lang po ako ng emosyon ko." ikaw naman kasi Klai, hindi ka talaga nag-iingat.

"Lumayas ka sa pamamahay ko!" hala gago, bakit?

Gulat akong tumingin sa kanya, "Sir, pasensya na po talaga. Hindi ko naman po sinasadya." Naiiyak na ako, ramdam ko nang may tumulong luha mula sa mata ko.

Hindi ako puwedeng mapalayas dito ng maaaga, hindi ko pa nakukuha ang gusto ko. At saka lagot ako kay boss kapag hindi ko nadala ang bagay na 'yon.

"Lumayas ka na!" Tinulak niya ako at nakita kong lumapit na rin ang ibang katulong at si Manang. Agad niya akong inalayan papalayo sa demonyong 'yon.

"Manang hindi ko naman po sinadya eh," iyak ko. Yumakap ako kay Manang baka sakaling makausap niya si Tucker na 'wag akong paalisin.

"Ano ba kasing nangyari, bata ka?" tanong niya.

"S-sinigawan niya kasi ako kaya gano'n din ang ginawa ko at minura ko siya, pero Manang hindi ko talaga sinandya. Maniwala ka po." Umiyak ako pagkatapos kong sabihin. Nanlaki pa ang mga mata niya.

"Diyos ko! Bakit mo naman minura, nako naman. Paano 'yan?" bakas sa mukha niya na hindi rin alam ang gagawin. Magsasalita pa sana ako nang may biglang dumating na katulong at dala ang mga gamit ko. For real na ba talaga 'to?

Hindi puwedeng umalis agad ako. "Kakausapin ko si Sir, wala po akong mapuntahan, Manang," pagsusumamo ko, galingan mo pa umarte Klai baka yumaman ka bigla.

"Lumayas ka na! I don't want to see her face in my house! Sa oras na papasukin n'yo siya sa bahay ko lahat kayo ay makakaalis na!" Lumingon ako sa gago na masama na ang aura. Tsk, patayin na kaya agad kita.

Inalayan ako ng dalawang katulong papalabas pero nagpupumilit akong bumalik sa loob. "Come here!" bigla akong hinila ni Tucker, kinuha niya rin ang bag kong dala ng isang katulong. Ang sakit talaga humawak ng lalaking 'to.

"S-sir, sorry na nga po eh. Hindi naman po k-kayo mabiro sir." Umiyak pa ako habang kinakausap siya.

"I don't play some jokes on shits as you miss, now get the hell out of here!" he said at tinulak ako, ang sakit ng pwet ko ah. Tinapon niya rin ang dala kong damit, buti nalang hindi tumama sa mukha ko.

Dahan-dahan akong tumayo, mukhang wala na talaga akon magagawa. Sinarado na ang buong mansion, lahat sila ay pumasok na. Inantay ako ng guard na makalabas sa gate. Napabuntong hininga ako, akala ko naman mabait na ang gagong 'yon dahil sinama at binilhan niya ako ng damit, grabe kung alam ko lang na ganito ang mangyayari sa'kin, sana kinalmahan ko pa lalo ang sarili ko.

Kinuha ko ang cellphone ko pagkalayo ko sa gate. Tinawagan ko si Almina. "Pinalayas ako," sabi ko bago siya sumigaw. Ang OA.

"Bakit? Gaga ka, paano 'yan? 'Yong singsing, nakuha mo ba bago ka pinalayas?" sunod-sunod niyang tanong.

"Hindi nga," nanghihina kong sagot. Nakaramdam ako na may butil na tubig ang dumapo sa katawan ko, uulan pa nga.

"Gawan ko na lang ng paraan, pero wala akong matutuluyan ngayon. Kunin mo naman ako rito." sabi ko.

"Gorl, I'm on my way to airport. Kukunin ko si Munique. After namin pupuntahan ka namin okay?" she said. "Huwag kang aali—" hindi ko pinatapos ang sasabihin niya nang bigla kong pinatay ang tawag.

Bumuhos ang ulan kaya tumakbo ako para maghanap nang masisilungan. Nang may makita akong malaking puno na malapit lang sa mansion, umupo ako at binalutan ang sarili. Pota, ang lamig.