0069: Your dreams are coming true, Misha

Misha’s POV

Bago pa kami tuluyang lamunin ng drama sa eksena namin, biglang dumating ang host para simulan ang mga games sa pool area. Nag-set up kami ng giant inflatable obstacle course sa gitna ng pool at ang saya ng mga tao habang pinapanood ang bawat kalahok na nahuhulog sa tubig.

Nakakainis lang kasi ngayon pa nagkasakit ang gagang si Jaye. Hindi niya tuloy nakita ang masayang opening ng resort ko.

“Let’s join!” sabi ko kay Everett hinila ko siya papunta sa starting line.

“Seriously?” natatawa niyang tanong pero sumunod pa rin siya.

“Come on, let’s have fun! This is my day, remember?”

Tawa lang siya nang tawa habang nag-aabang kami sa turn namin. Nang kami na ang sumalang, todo sigaw ako habang tinatawid ang mga inflatable. Tumatawa naman si Everett habang pilit niyang hinahabol ako.

Nang mag-slide ako sa dulo, bigla akong nahulog sa tubig. Narinig ko ang hiyawan ng mga tao at tawa ni Everett habang lumalangoy siya papunta sa akin.

“Okay ka lang?” tanong niya habang tumatawa.

“Ok