0068 : Opening

Misha’s POV

Nakatayo ako sa harap ng entrance ng bagong swimming pool resort ko, pinagmamasdan ko ang eleganteng disenyo ng buong lugar. Hindi pa rin ako makapaniwala na natapos ko na rin ito. Ilang buwan din ang ginugol ko sa pagpaplano at pagpapatayo nito, at ngayong araw, makikita na rin ng mga magulang ko ang bunga ng lahat ng paghihirap ko sa pagbebenta ng mga luxury item ko.

“Okay ka lang, Misha?” tanong ni Everett mula sa likuran ko. Ramdam ko ang pag-support niya sa akin at nang humarap ako sa kaniya, nakita ko ang malambing niyang ngiti.

“Kinakabahan ako,” pag-aamin ko. “Parang biglang nagdududa ako kung tama bang ginawa ko ‘to.” Nahihiya kasi ako sa kaniya. Alam niya kasing galing sa mga binili niyang luxury item sa akin ang pagpapagawa ko nito.

Hinawakan niya ang kamay ko at pinisil iyon. “Nagawa mo ‘to ng mag-isa, Misha. Tumulong lang ako nung kailangan mo na talaga ng back-up. You deserve this moment.”

Napatitig ako sa kaniya. Ang mga mata niyang puno ng pagmamahal at sup