Chapter 29

Pagkarating namin sa bahay este Palasyo ay nagpalit ako ng mas simpleng damit kaso magaganda pa rin ito e. Dapat pala, naging attentive ako noong bumibili kami ng mga damit ni Nina. Nang mga panahon kasing iyon ay kakarating ko lang sa Maynila at sobrang bigat pa ng kalooban ko.

"Mapapagalitan po tayo," sabi ni Nina nang sabihin kong gusto kong bawasan ang mga Guardiang pinapasama ni Tito GH. From 8, gusto kong bumaba ito sa dalawa lang.

"Sundin mo na lang ako. Ako na ang bahalang magpaliwanag," sabi ko habang pinapaalis ang anim na Guardiang nasa labas ko at nandito na kami sa labas ng gusali.

"Mawalang galang na po, Señorita Lux," singit ng mayordoma na siyang humahandle sa mga kasambahay dito at sa iba pang tauhan ng Malacañang maliban sa may matataas na posisyon. "Ngunit kami naman ang mapaparusahan kung hindi namin siya susundin," dagdag niya. Matanda na siya. Siguro nasa 50 plus? Namumuti na rin ang ilang hibla ng buhok niya pero bakas pa rin