Chapter 28

Nandito ako sa bintana, nakadungaw, naghihintay sa pagbabalik ni Lino. Araw-araw ko pa rin siyang inaabangan at araw-araw pa rin siyang nag-papadala ng sulat. Agad akong nagtago sa malaking pulang kurtina nang makita ko na ang karwahe niyang paparating. Ang lakas na naman ng kaba ko nang bumaba siya roon. Si Berto rin ang nagmamaneho ng karwahe.

Sa totoo lang, lalong gumagwapo si Lino lalo na kapag nakaputi siyang damit. Ang linis niyang tingnan. Ang bango niyang tingnan. Minsan na akong sumilip sa klinika niya at nakita kong maraming tao roon. May mga nakakatulong naman siya sa trabaho niya kaya napanatag na ang loob ko. Lalaki ang mga nandun. Mukhang puro kalalakihan lang talaga ang hinahanap nilang aplikante. Tsk!

Hindi ko maiwasang mapangiti kapag nakikita ko si Lino pero nasasaktan din ako kasi hindi ko pa siya nakikitang ngumiti. Miss ko na ang mga ngiti niya. Kailan ko kaya iyon muling masasaksihan?

Hindi nagtagal si Lino. Agad din siyang naglakad pabalik