Chapter 35

Matapos magpacheck up sa ob-gyne ay umuwi na rin si Xavien at Erin.

"Babe, tatawagan ko na si Everett para makapunta na tayo sa islang sinasabi niya."

Tumango lamang si Erin ngunit nanatili itong tahimik.

"Babe, sigurado akong mahahanap natin ang nanay mo. Don't stress yourself too much, okay? Hindi ba at sabi ni Dra.Nieves ay huwag ka masyadong magpakastress, makakasama daw iyon sa inyo ni baby. Nandito lang ako, Erin. Hindi ko kayo iiwan ng baby natin."

Napatango lamang si Erin.

"Salamat, Xavien. Sana ay makita na talaga natin si nanay. Gusto kong kasama ko rin siya sa bagong yugto ng buhay ko." Nakangiting sabi ni Erin.

Kinabukasan ay maagang umalis ang dalawa. Iniwan na nila si Pixie sa pangangalaga ni Rica. Ipinagtapat ni Xavien kay Erin na si Rica ay kinuha ni Xavien upang bantayan silang dalawa ni Pixie. Ito rin ang nagmanman sa bawat kilos ni Manang Lucing noong ito ay nasa mansion pa ni Xavien.

Lulan ng kanilang sasakyan ay narating nila ang port sa Batangas, doon nakaraparada