Chapter 10 - Reveal

EDENACITY

SA loob ng isang coffee shop ay abala si Vhendice sa pag-examine ng mga files sa kanyang laptop habang nasa bakanteng mesa sa isang sulok. Saglit na inalis ng lalaki ang mga mata sa monitor at dinampot ang tasa ng mainit na kape at sumimsim.

Dalawang babaeng college students ang pumasok sa coffee shop at naupo sa table sa gawing likuran niya. Panay ang kwentuhan ng mga ito at dinig na dinig ni Vhendice ang paksa ng usapan.

"Tumawag ang kapatid ko. May sinabi sa akin tungkol sa chairman."

"Tungkol sa chairman?"

"Nakita raw niya,may kasamang babae ang chairman."

"Saan"

"Sa market raw."

"Baka hindi ang chairman iyon. Di ba nasa hospital pa siya?"

"Balita ko nakalabas na."

"Imposible iyon. Kung nakalabas na siya dapat alam ng buong capital para masalubong natin ang pagbalik niya. Hindi naman siguro ililihim iyon ng Andromida Conglomerate. Isa pa, hindi pumupunta ang chairman sa public places. Pagkakaguluhan kaya iyon, sigurado. Tapos may kasama pang babae?"

"Pero sabi ng ate ko