Chapter 9 - date

KINABUKASAN, pagkatapos ng breakfast ay nagpaalam na agad si Vhendice. Bago umalis ay may inabot ito kay Safhire. Isang floppy disk.

"Pumunta ka ng police headquarters. Hanapin mo si Rajive Arkanghel at ibigay mo 'yan sa kanya. Tandaan mo, sa kanya lang." Mahigpit nitong bilin.

Tumango siya. "Anong oras ka uuwi?"

"Hindi ko alam."

"Hihintayin ba kita sa dinner?"

"I can't promise but I'll try."

"Sige. Goodluck at mag-iingat ka."

He nodded. "You too. See you when I get back."

Hinatid niya ang lalaki hanggang sa may driveway. Bumalik siya sa kanyang kwarto at naghanda na ring umalis. Dumating siya sa police station ng pasado alas-nueve. Tumuloy siya sa information desk.

"Good morning," bati niya sa babaeng police na naroon.

"Good morning, ma'am. May I help you?" tanong nito nakangiti.

"I'm here to see Mr. Rajive Arkanghel," sabi niyang nahawa na rin sa magandang ngiti ng police woman.

"May appointment po ba kayo?"

Appointment? Kailangan pa pala niyang mag-book ng appointment?Pero walang s