72. Pagbabayad sa kasalanan

Isa pang sampal ang pinatama ni Freya sa mukha ng matanda na lalong ikinalaki ng mata ni Olivia.

“M-mommy.. huhuhu…” iyak ni Rose. Tumakbo ito palayo.

Nanlaki ang mata ni Vina sa pagkabigla habang hawak ang pisnging nasaktan na namanhid sa sampal ni Freya. Nagawa siyang saktan ng babaeng ‘to? Hindi niya ito matatanggap!

“You bitch—“

“Subukan mong saktan ako… hindi ako mangingiming sapakin ka sa oras na lumapat ang kamay mo sa balat ko!”

Napaatras sa sindak sina Vina at Olivia. Base sa kanilang nakikita sa mukha ni Freya ay alam nilang hindi ito nagbibiro. Nang makita ng dalawa ang ama ni Alexander ay nagkaro’n sila ng lakas ng loob. Nakahanap sila ng kakampe.

Lumuluhang tumakbo si Vina sa asawa at yumakap dito. “A-Alexis, mabuti at dumating ka. A-ang babaeng ‘yan! S-sinaktan niya kami ni Olivia.” Nilibot ng ginang ang mata sa paligid. Marami na ang mga bisita na nakapaligid sa kanila at narito na rin ang mga reporters na inupahan niyang ikalat ang balitang magaganap sa banq