71. Sampal

“Alexander, ano ang ibig mong sabihin?” Nagugulumihan niyang tanong.

“Narito na tayo, Sir, Ma’am!” Imporma ng driver ni Alexander na si Ted.

Nang lumingon si Freya kay Alexander ay nakababa na ito kasama si Rose. Gusto niya sanang marinig ang sagot nito pero ayaw naman niyang tanungin ito dahil may kausap na ito ngayon sa cellphone.

Ano ba ang tatapusin ni Alexander ngayon gabi?

Nang makakita si Rose ng maliit na aso ay bumitaw ito sa kamay ng ama.

“Rose!” Tawag ni Freya ng makitang hinabol ng anak niya ang nakitang aso nito. Lumapit siya kay Alexander, pero napahinto din siya ng mapansin na napadilim ng mukha nito.

Galit—iyon ang nakikita niya sa gwapo nitong mukha. Mukhang may problema sa Evan Industry kaya nagkakaganito ito. Bago habulin si Rose ay kay Ted nalang siya nagbilin na sabihin kay Alexander na hahanapin niya si Rose.

“You freak! What have you done to my dress?!”

Wala sana siyang balak pansinin ang ingay na ‘yon, pero ng makita niya pulang laylayan ng gow