70. Battle

Sinipat ng maayos ni Freya ang sarili sa salamin. Tama nga siya. Bagay na bagay sa kanya ang Red Evening Gown na ito. Pinadeliver nalang nila ito dahil sa nangyari sa shop. Good thing ay hindi pa ito nabibili ng iba.

“Mommy, you look so beautiful.”

Marahan niyang pinisil ang ilong ng anak. “Just like you, my princess.” Aniya. Isang red gown din ang suot ni Rose at may pagkakatulad da suot niya. Kaya naman kahit sinong makakita sa kanila ay agad na malalaman na mag ina sila.

Tumitig siya sa kanyang anak. Tama nga si Alexander, kamukha-kamukha niya ang anak nila, maliban sa mga mata nito na namana nito sa daddy niya. Nang mapansin nito na nakatitig siya sa mukha nito ay ngumuso ito.

“Do I really look beautiful, mommy?”

Hindi niya maiwasan na matawa. “Why, princess? Mukha ba akong nagsisinungaling?”

Lalong humaba ang nguso nito. “Si Mike kasi, eh. He said I’m not beautiful enough for him to like me.”

“Sinabi ni Mike ‘yon?” Pinigilan niya ang mapangiti dahil baka magtampo