75. Dasal

NNAPAHIYAW sa gulat si Freya ng biglang may mga sasakyan na humarang sa kanila. Nakadama siya ng sobrang takot ng may lalaking nabonnet ang kumatok sa bintana ng kanyang sasakyan.

Ang tagpong ito ay nangyari na noon. Naalala niya na ganitong-ganito ang eksena bago siya madakip ng mga kalalakihan noon.

“Mommy, s-sino po sila?” Takot na tanong ni Rose, alam nito na masamang tao ang nasa labas ng kanilang sinasakyan dahil nakita ng paslit ang hawak nitong mga baril.

“Shhh, wag kang matakot, okay. Hindi ka pababayaan ni mommy.” Pag alo ni Freya sa anak. Hinaplos niya ito sa ulo at saka hinalikan sa noo.

Napapitpag siya ng marinig ang pagtunog ng kanyang cellphone. Ito ang number na tumawag sa kanya kanina.

Yumuko ang lalaking naka-bonnet at pinakita kay Freya ang cellphone nito. Nanlaki ang mata ni Freya ng makitang ang number niya ang tinatawagan nito.

‘Papatayin ko kayo!’

Nanginig ang katawan niya sa takot, humigpit ang pagkakayakap niya kay Rose.

‘Diyos ko! Wag niyo kaming paba