81. Trust and honesty

HININTAY ni Freya na sabihin ni Alexander na mali ang narinig niya, na hindi totoo ang sinasabi ng daddy nito pero nanatiling tikom ang bibig ni Alexander.

“S-sabihin mo nga sa akin, Alexander. A-ano bang kalokohan ang sinasabi ng daddy mo?” Nagsimulang mabasag ang kanyang tinig.

Hindi! Nabibingi lang siya! Hindi totoo ang sinasabi ng matandang kaharap nila. Gusto lang nito na magkahiwalay sila ni Alexander—pero bakit gano’n. Bakit imbis na itanggi nito ang sinasabi ng daddy nito ay nanatiling tikom ang bibig nito? S-saka bakit namumula ang mga mata nito at nakatingin sa kanya na parang humihingi ng tawad?

“You heard it right, Miss Davis. Ang anak kong si Alexander ang may kasalanan kaya namatay ang magulang mo. Nahuli ng magulang mo na nagcheat itong anak ko kaya umalis sila ng masama ang loob. At nabangga sila dahil hinabol sila ni Alexander. Gano’n kadesparado ang anak ko na makuha ang posisyon sa Evans Industry kaya sinubukan niyang habulin ang magulang mo. Ngayon sabihin mo sa