78. Naughty

BUMALIK sa normal ang lahat. Wala ng banta sa buhay nila ngayon kaya panatag na sila. Nakangiting tinitigan ni Freya ang daliri kung nasa’n ang singsing na binigay ni Alexander.

Sa wakas ay tapos na ang lahat.

Nagbabayad na nang kasalanan sina Vina at Olivia ngayon. Nakakagulat malaman na magkakamag-anak pala ang tatlo, kasama ang doktor na nanloko kay Alexander noon. Kapatid pala ni Vina si Olga, ang nagpalaki kina Olivia at Oliver. Si Vina ay inoobserbahan pa dahil kakaiba daw ang kinikilos nito sa loob. Nagsasalita na daw ito ng mag isa at tumatawa, na parang nasisiraan na nang ulo. Si Olivia ay madalas daw na sinasaktan ang sariling ina dahi ito ang sinisisi ng babae sa pagkawala ng kuya nito. Sobrang parusa na iyon para kay Vina, ang hindi kilalanin ng sariling anak at mawalan ng anak. Siguro ay ito ang naging kabayaran niya sa lahat ng kasalanan niyang nagawa.

“Sigurado ka na hindi ka pupunta, Alexander?” Ngayong araw ay kaarawan ng ama ni Alexander. Hindi man lang sila i