367.

“Yes, baby. No exes…” tumatawang sagot pa ni Frank.

Pagkahatid ni Frank sa kanya ay agad din itong umalis. Mag aalas nueve na kasi.

Ganon nalang ang gulat ni Hazel ng madatnan ang lolo niya sa loob ng opisina niya.

“L-lolo, kayo pala.”

Kabadong tumikhim siya at bumati dito at humalik sa pisngi nito.

“Good morning, lolo. Pasensya na hindi na ako nakauwi kagabi,”

Handa na sana siyang magdahilan ng magsalita ito.

“Nabanggit ni Nita na nalasing ka sa bahay ng kaibigan mo at doon na natulog?”

Bumuntong-hininga si Henry bago muling nagsalita.

“Pasensya ka na, apo. Hind ko alam na maski ikaw ay nagdaramdam sa pag atras ni Steve sa kasal ninyo.”

Kumunot ang noo ni Hazel.

“Nasabi sa akin ni Arcellie na sa palagay niya ay nasaktan ka din sa ginawa ni Steve. Pagpasensyahan mo na ang lolo mo kung nag-isip ako ng hindi maganda.”

Napipilan si Hazel.

Sinabi ng tita Arcellie niya iyon? Pero bakit?

“Hayaan mo, Hazel. Ginagawa ko ang lahat para matuloy ang kasal ninyo.