370.

Hindi na matutuloy ang kasal, pero bakit nasa balita pa rin ang tungkol dito?

Hindi maitago ni Frank ang pagdidilim ng mukha.

Nang mapansin nila Freya at Rose ang ekspresyon ng binata, nagkatinginan sila.

Nang subukan na kunin ni Rose ang newspaper na nilukot ni Frank, mabilis na kinuha ito ni Mike at itinapon sa pinakamalapit na trash can.

“Mabuti pa ay kumain na tayo, lalamig na ang pagkain.”

Hinaplos ni Mike ang tiyan.

“Kanina pa gutom ang mga bata… hindi sila uminom kahit gatas lang kanina. They wanted to eat with their uncle.”

Ani Mike para alisin kay Frank ang atensyon ng asawa.

Sa kalagitnaan ng pagkain ay hindi napigilan ni Freya ang ungkatin ang tungkol kay Yassie. Hindi na ito napigilan pa ni Alexander.

“Frank, kailan mo balak na pakasalan si Yassie?”

“Oo nga, Frank.” Segunda ni Rose. “Kung buntis siya, hindi niyo na dapat patagalin pa ang kasal niyo. Hello, wala kayang babae ang gustong maglakad ng malaki ang tiyan sa simbahan.”

Lalong dumilim ang mu