223.🔞Book 3: Tuparin

Ilang na ilang si Mrs. Galoso habang tinuturuan si Hazel dahil sa presensya ni Mr. Evans sa hindi kalayuan. Mukhang walang kaalam-alam si Hazel dahil tutok ang dalaga sa pakikinig sa itinuturo niya. Sa pag aakala na binabantayan ng binata ang kanyang kilos ay mas pinag igihan ng matanda ang pagtuturo.

“Congrats, Hazel. You improved a lot.” Puri ni Frank habang papalapit sa dalaga. Nanlaki naman ang mata ni Hazel.

“Kanina ka pa, kuya?”

“Hmm… let say na, tinitingnan ko kung karapatdapat ka ba ng i-treat.” Biro ng binata.

“Magaling kasi magturo si Mrs. Galoso kaya mabilis akong natututo.”

Umiling ang matanda. “Mali ka, Miss Hazel. Natutunan mo ang lahat dahil masipag ka at desidido. Kaya wag mo akong pasalamatan. Ang pasalamatan mo ay ang pagtitiyaga mo sa iyong pag aaral.”

Kiming ngumiti ang dalaga sa papuri ng guro. Gusto pa sanang magpasalamat ng dalaga ng hawakan ni Frank ang kanyang kamay. Hindi siya nito binigyan ng pagkakataon na makapag protesta. Mabuti nalang at wa