226.🔞Book 3:

Dati naman ay ayos lang sa kanya kahit ano ang ayos niya basta kumportable siya. Pero ngayon ay hindi siya mapakali habang naghahanap ng babagay sa kanya. Gusto niya kasi na maganda siya sa paningin ni Frank.

Napangiti siya ng mapatingin sa repleksyon niya sa salamin. Bagay na bagay sa kanya ang suot niyang Blue dress above knee ang haba. Mabuti nalang at bumili siya nito kahapon.

Napa-wow sila Gladys at ang iba pa nitong kasama ng masalubong siya.

“Ang ganda mo, Hazel!”

Maging si Aling Fatima na dala na ang mga cookies na nakalagay na ngayon sa paper bag ay napangiti sa paghanga ng makita ang dalaga. Walang duda, napakaganda nito.

“Bakit kasi hindi mo pa ipaahit yang kilay mo. Saka yang brace mo ipatanggal mo na at magsuot ka nalang ng contact lense. Sigurado ako na lalo ka pang gaganda!” Suhestiyon ni Gladys.

“Sa susunod nalang siguro.” Tumingin si Hazel sa relong nasa bisig niya. “Naku kailangan ko ng umalis!” Nagmamadali na kinuha niya ang paper bag kay Aling Fatima.