131. Utos

Pagkasakay sa kotse, nawala ang ngiti ni Sofia sa labi. “Kung tinulungan mo lang sana ako, mommy. Hindi na sana aabot sa ganito. Di bale, ang mahalaga, babalik na si Kuya Mike sa bahay pagkatapos ng ipapagawa ko. Hindi na ako mapipigilan ng kahit sino para magawa ang plano ko.”

Kinuha ni Sofia ang kanyang wallet, mula rito ay inilabas niya ang larawan nilang dalawa ng kuya niya.

“Konting panahon nalang at makukuha na kita, Kuya Mike. Wala ka ng kawala sa akin kapag nangyari ‘yon… wala ng magagawa ang pagmamahalan ninyo ni Rose.” Aniya at saka parang baliw na tumawa. Pinarada ni Sofia ang sasakyan, pagkababa ay pumasok ito sa makipot na eskinita. Sumalubong ang mabaho at nakakasulasok na amoy kaya napatakip siya ng ilong.

“Si Sofia ang babaeng ‘yan di’ba? Aba, totoo nga ang balita na inampon daw yan ng mayaman na doktor. Kapag sinuswerte ka nga naman, oh. Aba, hindi sinuwerte sa magulang pero sinuwerte naman sa umampon.” Tumayo ang mga nagsusugal na matatanda at lumapit rito. “Hoy, Sof