134. Yakap

AKALA ni Rose ay dadalhin siya ni Mike sa isang restaurant, pero sa isang playground siya nito dinala. Tanghali at mainit, kaya wala na masyadong batang naglalaro, hindi na masama kung dito gustong kumain ni Mike. Sa maliit na mesa na gawa sa semento, inilapag nito ang lunchbox at saka ito binuksan. Hindi nakaligtas sa kanyang mata ang pagguhit ng ngiti sa labi ni Mike ng makita ang mga pagkain na niluto niya.

“Lahat ng pagkain na gusto, alam mo talaga ang lahat.”

“Talaga? Noon ba palagi kitang pinaglulutuan?” hindi na siya magtataka kung tumango si Mike. May palagay naman kasi siya na hindi na kailangan itanong, dahil may hinala na siya kung ano ang sagot. Pero gusto niya parin na malaman at marinig mula sa labi ni Mike na tama ang hinala niya.

“Yes.” Tumingin si Mike ng matagal sa pagkain na parang may inaalala. “Hindi ka nagsasawa na lutuan ako.”

Napangiwi si Rose bigla. Ibig bang sabihin ay kahit na nagkaasawa si Mike ay hindi siya huminto? Kung oo, nakakahiya naman kung ga