CHAPTER 35

ANG madilim na anyo ni Knives ng mga sandaling iyon ay tila lalo yatang pinadilim pa ng dim lights na tanging liwanag sa lugar na iyon. Napaatras si Lalaine ng ilang hakbang sa takot saka pasimpleng luminga-linga upang maghanap ng malulusutan, subalit bigo siya. Ang tanging daan papalabas sa pasilyo ng mga comfort room ay hinaharangan ng lalaki.

Walang pagpipilian si Lalaine, kailangan niyang makaalis doon kaya naman matapang niyang hinarap ang lalaki. “Pwedeng bang makiraan?”

Sinikap ni Lalaine na maging magalang sa kaharap dahil wala na siyang lakas ng loob para subukin pa ang lalaki, hindi sa mga oras na iyon.

Subalit sa halip na bigyan si Lalaine ng daan ay umabante pa si Knives upang mapalapit sa babae at saka itinukod ang dalawang kamay sa pader upang hindi makulong ang babae sa pagitan ng kanyang mga bisig.

“How far have you done with that man?” tanong ni Knives sa babae.

Napakalapit nila sa isa't-isa kaya nasasamyo ni Lalaine ang panlalaking pabango nito at amoy min