189

Madalas, akala ng mga matatanda ay hindi nakakaintindi ang mga bata. Hindi nila alam na kung minsan ay mas malakas ang pakiramdam ng mga ito, lalo na sa pagtukoy ng mga emosyon na katulad ng sinseridad. Hindi man naiintindihan ng bata ay nakakaramdam pa rin sila kung may kakaiba. Lalo na ang mga batang lumaki nang hindi buo ang pamilya at maraming dinanas na hirap. Mas maaga silang namulat. Kaya naman kahit na pilit na itinago ni Berenice ang pagkadisgusto niya sa ampon ng kanyang anak ay naramdaman pa rin ni Uri na ayaw sa kanya ng “Grandmom” ng kanyang mga kapatid.

Dahil sa kanyang pakiramdam at maturity na wala sa karamihang mga bata na nasa kanyang edad, nakaramdam si Uri ng panliliit. Hindi niya maiwasang maliitin ang sarili. Sumagi sa kanyang isipan ang ilang mga negatibong kaisipan. Na hindi siya nababagay na mapabilang sa isang mapagmahal na pamilya at magkaroon ng mabubuting mga magulang at mga kapatid.

Isa lamang siyang batang ulila na lumaki sa lansangan,. Walang pinag-ara