Chapter 20 - Pretending

Kanina pa pasilip-silip si Sandy sa labas o ‘di kaya ay pupunta sa may dalampasigan upang tanawin kung may paparating na ba ngunit wala man lang siyang nakitang bangka kahit isa na patungo sa kinaroroonan nilang isla.

“Nakakainis naman!” bulalas niya sa sobrang inis. Samantalang si Dimitri naman ay lihim na nagbubunyi habang prenteng nakaupo sa balkonahe. Kanina pa kasi hindi mapakali ang babae, alam niyang bagot na bagot na ito.

“Dimitri, wala ka man lang ba narinig sa usapan nila habang dinadala nila tayo rito?” tanong nito sa kanya. Pinagbuti naman ni Dimitri ang pagpapanggap, nagulat pa nga siya kanina nang makita niya ang pag-aalala ni Sandy sa kanya.

Ang akala niya pa naman ay bubulyawan na siya nito at iisipin na kagagawan na nga niya ang pagpapadukot rito subalit, hindi, dahil inakala pa pala ni Sandy na magkasama silang nadukot. Totoong hindi siya nakapag-salita kanina dahil sa pagkamangha. Nasisiguro niyang mahal pa talaga siya ni Sandy, kita niya iyon kung paano ito mag-