Chapter 25

Umuubo-ubo si Dimitri at habang nahihirapan na huminga. Kitang-kita niya mukha ni Sandy habang luhaan na nakatunghay sa kanya. Pinilit niyang idilat pa ang mga mata dahil napapapikit na rin siya na tila ba ina-antok.

Itinaas niya ang isang kamay upang abutin ang magandang mukha ni Sandy habang nakahilig ang ulo niya sa kanlungan nito. "H-huwag k-ka n-nang, u-umiyak... P-patawarin m-o a-ako, k-kasalanan k-ko i-ito," nahihirapan na sambit sa mga katagang iyon ni Dimitri.

Umiling-iling naman si Sandy at umiiyak na hinawakan din ang kamay ni Dimitri na nasa kanyang mukha. "Dimitri, kumapit ka lang! Dadalhin kita sa ospital, huh? 'Wag ka na munang magsalita... Nandito lang ako."

Binalingan na niya ang tatlong lalaki na nakatunghay lang sa kanila. "Ano pang hinihintay ninyo?! Tulungan niyo na 'kong dalhin sa ospital ang asawa ko!"

Nagtinginan naman ang tatlo bago siya sinunod ng mga ito. Nauna nang lumakad ang isa patungo sa bangka habang iyong dalawa naman ang pinagtulungan na buhatin