Chapter 23 - Scared

Habang nagsisimula nang kumain si Sandy ay mataman lang din na nakatitig sa kanya si Dimitri. Nakailang subo na siya ngunit pansin na nga nitong hindi pa rin kumakain itong isa kaya sinita na niya ito at naiilang na rin si Sandy sa kanina pang paninitig nito sa kanya.

“Wala ka bang balak kumain? Ano tititigan mo na lang ako riyan? Aba ‘y mabubusog ka talaga niyan, Dimitri!”

“Ah, pasensiya na. Kanina ko pa kasi ina-abangan ang sasabihin mo tungkol sa pagkain na inihanda ko para sa atin. Masarap ba?” Nang hindi pa agad sumagot si Sandy ay napabuntong-hininga na lamang si Dimitri.

“‘Wag mo nang kainin iyan, Sandy. Baka masira pa iyong tiyan mo–”

Akmang kukunin na nito ang pagkain ni Sandy ang pigilan siya nito ay ilayo ang pagkain sa kanya. “Hey! Akin ‘to!”

“Akin na, hindi naman masarap kaya baka mamaya niyan masira pa iyong tiyan mo. Akin na, kukuha na lang ako ng delata.”

“Ano, ka ba! May sinabi ba akong hindi masarap?” tanong naman ni Sandy.

“W-wala, pero hindi mo rin naman sin