Chapter 22

Hinatid si Rizza nina Diego pauwi sa kanila. Natuwa naman ang mga magulang niya pagkakita sa kanya na umuwi. Ang tanging sabi niya ay day-off niya kaya siya umuwi sa kanila at bukas ang balik niya. Hindi na nagtanong-tanong pa ng kung ano ang mga magulang niya tungkol sa kanya dahil ang alam nila ay nagtatrabaho siya bilang kasambahay.

Hindi pa naman lunch time kaya pinuntahan niya ang best friend niya na si Kira sa bahay nito. Halos tumili ito sa tuwa pagkakita sa kanya. Niyakap kaagad siya nito na para bang wala nang bukas pa. Niyakap niya rin ito nang napakahigpit. Isang linggo silang dalawa hindi nagkita kaya na-miss niya ang friend niya na si Kira. Nang bumitaw sila sa pagkakayakap sa isa't isa ay umupo sila.

"Kumusta ka na, bessie? Isang linggo tayong hindi nagkita. Na-miss kita nang sobra. Mukhang marami-rami kang sasabihin sa akin ngayon," sabi ni Kira kay Rizza na bahagyang ngumiti naman sa best friend niya

"Okay naman ako, bessie. E, ikaw? Kumusta ka rin dito? Na-miss rin