Chapter 28

Habang nage-enjoy sina Rizza at Drake sa dagat ay nakatingin lang sa kanila sina Dan at Diego. Binabantayan nila ang dalawa kahit wala namang masama na mangyayari dito. Pasigurado lang sila. Habang pinagmamasdan nila ang dalawa ay napansin ni Dan si Diego na hindi maalis ang ngiti sa labi habang nakatingin kay Rizza na tuwang-tuwa na naglalakad sa mababaw na parte ng dagat habang si Drake ay nakasunod dito.

Napakunot-noo tuloy si Dan. He could feel something towards him. Hindi na niya natiis ang sarili niya kaya ibinuka na niya ang bibig at nagsalita, "Tuwang-tuwa ka naman sa kanila lalo na kay Rizza, Diego. Ikaw ha, baka type mo si Rizza. Type mo ba siya? Kanina pa ako may napapansin sa 'yo. Ibang-iba ang tingin mo sa kanya. Huwag kang pahalata d'yan baka pagalitan ka ng boss natin." Napanguso si Diego pagkasabi ni Dan sa kanya. Nanlaki pa ang dalawang mga mata niya.

"H-hindi, 'no? H-hindi ko siya type. Grabe ka naman. Binibigyan mo kaagad ng ibang kahulugan kung nakikita mo na natu