Chapter 32

Nang tuluyan na makaalis ang babaeng staff sa harap nila ay nagpakawala muna nang malalim na buntong-hininga si Rizza at saka muling humarap kay Drake na panay pa rin ang tingin sa kanya.

"Bakit mo sinabi 'yon sa kanya na girlfriend mo ako?" nagtatakang tanong ni Rizza kay Drake na napakagat labi. Bumuntong-hininga ito at saka nagsalita, "Rizza, sinabi ko 'yon sa kanya para hindi na siya magtanong pa nang magtanong sa akin lalo na sa 'yo. At isa pa kapag hindi ko sinabi sa kanya na girlfriend kita ay baka mag-isip-isip pa siya ng kung anu-ano tungkol sa atin. Ayaw ko na mag-isip sila ng hindi maganda o kaya ay negatibong bagay tungkol sa atin. 'Di ba hindi na siya nagtanong pa nang nagtanong tungkol sa atin nang sabihin ko sa kanya na girlfriend kita kahit hindi naman? Iyon na lang ang ginawa ko para hindi na humaba pa o dumami ang mga katanungan niya sa atin," pagliwanag ni Drake sa kanya. Napanguso siya pagkasabi nito sa kanya.

Humugot siya ng malamig na hangin at muling nagsalita,