Chapter 40

Puno ang dalawang malaking lalagyan ng isda nang magdesisyon silang tumigil na sa pamimingwit. Ibinigay na nila ang ginamit nilang pamingwit sa isang tauhan na kasama ni Mang Celso. Ito na ang bahala dito. Umalis na sila sa pala-isdaan para maghugas ng kanilang mga kamay. Dinala na ng dalawang tauhan ang nabingwit na mga isda kina Aling Delia at Mang Nestor dahil sila ang magluluto ng tanghalian. Ipiprito nila ang iba.

"Gusto ko pa muling mamingwit sa susunod," sabi ni Rizza kay Drake matapos nilang maghugas ng mga kamay sa may poso. May poso doon at doon sila naghugas ng kanilang mga kamay. Doon kasi ang may malapit na huhugasan nila ng kanilang mga kamay pagkaalis sa pala-isdaan. Bakit pa sila lalayo kung may poso naman doon? Malinis naman ang tubig doon. May sabon rin naman doon.

"Talaga?" Tumango si Rizza sa tanong na 'yon ni Drake sa kanya. "Oo. Gusto ko muling bumalik sa farm na 'to. Ayaw ko nang pumunta pa doon sa isa n'yo pang farm na nasa parteng hilaga. Kontento na ako sa f