Chapter 48

Humugot muna nang malalim na buntong-hininga si Kira bago dahan-dahan na nagsalita sa kanya. Seryoso ang mukha niya habang nakatitig sa mga mata ng best friend niya na si Rizza na nakakunot noo pa rin. Naguguluhan ito sa kanyang nakikita. Hindi maiwasan na kabahan siya sa sasabihin ng best friend niya.

"Bessie, isa lang ang masasabi ko sa 'yo kung bakit ganoon ang nararamdaman mo," malumanay na sabi ni Kira kay Rizza. Mas lalong nangunot ang noo ni Rizza sa harap ng best friend niya. Napalunok muna siya ng kanyang laway bago sumagot dito.

"Ano 'yon, bessie? Gusto kong marinig na sa 'yo kung ano 'yon para malaman ko na kung bakit ganoon ang nararamdaman ko. First time ko na makaramdam ng ganoon sa buong buhay ko lalo na sa isang kagaya ni Drake," tanong ni Rizza kay Kira na tumango-tango naman sa kanya. Muling bumuntong-hininga si Kira bago muling nagsalita sa kanya.

"Kaya ka nagkakaganoon dahil..."

"Dahil ano, bessie?" nakaawang ang labi na tanong niya. Hindi na niya magawang patapus