Chapter 38

Napansin naman ni Drake na nilalamig siya kaya nagsalita kaagad ito sa kanya na hindi niya inaasahan na mapapansin nito sa kanya.

"Nilalamig ka ba?" tanong nito sa kanya. Tumango naman siya pagkatanong ni Drake sa kanya.

"Oo. Ang lamig na kasi ng ihip ng hangin kahit may araw pa. Siguro dahil nandito tayo sa dagat. Kaya malamig lalo na kapag humahapon na," sagot ni Rizza kay Drake.

"Kung nilalamig ka ay magsuot ka ng jacket. May jacket akong dala. Mamili ka lang," sabi ni Drake sa kanya. Inilapit pa nito ang bibig sa kanya para bumulong ng kung ano'ng gusto niyang sabihin dito. "You have to wear jacket first, okay? Maaga pa para magpainit. Mamaya na gabi pa." Pagkasabi ni Drake ay kinindatan niya si Rizza.

Her heart starts beating faster again. Hindi na naman tuloy siya mapakali. Alam niya kung ano ang pinapahiwatig ni Drake sa sinabing 'yon. Nagpakawala siya ng malalim na buntong-hininga at ikinalma ang sarili. Baka kung ano ang magawa niya sa sarili kung hindi niya ikakalma ito.