Capitulo Once

“Mama!” masiglang bati ng bata sa kanya.

Lumapad ang ngisi na mayroon ito sa labi, pati siya ay nahawa sa ngiti nito kaya napangiti rin siya. Dinaluhan niya ang batang paslit na nakaupo sa kama. Hinaplos niya ang mukha nito.

“Check ko vital signs mo, baby. Ayos lang ba?” malambing niyang tanong sa bata.

“It won’t hurt me, Mama?” nakalabing aniya nito.

Luminga-linga siya at hinanap ang bantay ng bata. Wala siyang mahagilap na guardian nito. Kagaya noong una niyang nadatnan ang paslit dito. Ayaw niyang manghusga dahil labas siya sa kung anong mayroon ang pamilyang ito. Ipinagkibit-balikat na lamang niya iyon.

Nang matapos siyang kunin ang vital signs ng bata ay nagdadalawang isip siya kung paano umalis. Nakatingin lang ang bata sa kaniya at nakaabang sa bawat kilos niya. Kinakabahan siya na baka umatungal ito. Hindi pa naman siya maalam sa pag-aalaga ng bata.

“Baby?” usal niya, ngumiti naman sa kanya ang bata.

“Yes, Mama?” malambing na wika nito saka niyakap siya.

Napakamot siya sa u