Luna’s POV
Nanatili lang ako sa labas ng silid ni Mama. Nawalan ako ng lakas magpakita nang makita ko siyang kumakain habang masayang kinakausap ng pinsan kong si Nadine. Nag-text si Cara sa akin kanina habang pabalik ako sa ospital. May date daw siya at dumating na si Nadine, na papalit muna sa kaniya. Tumayo ako nang mapansin ang pagbukas ng pinto. Nakita kong lumabas si Nadine. “Nandito ka na pala. Kumusta ang practice ninyo?” tanong niya sa akin. “Katatapos lang kumain ni Tita Yassi ng hapunan. Hinahanap ka niya at si Tito James.” Hindi ako umimik. Nanatili lang akong nakatitig sa sahig. Masyadong magulo ang isipan ko ngayon. Buntis ako at hindi ko alam kung paano aaminin kay Mama. Napatay ni Papa ang ama ni Alexus at nagnakaw siya sa bangko. “Ayos ka lang ba?” nag-aalalang tanong ni Nadine sa akin. Hinawakan niya ang aking noo. “Magbihis ka muna dahil basang-basa ka sa ulan. Dinalhan kita ng ekstrang damit.” Tumango ako. Ngayon ko lang napansin na basang-basa pala ako sa ulan kanina. Bigla na lang akong nawala sa sarili sa kaiisip ng mga sinabi nina Papa at Alexus. Pumasok ako sa loob ng kwarto at niyakap si Mama ng mahigpit. Pilit kong tinatago ang bigat ng nararamdaman ko ngayon. “Hinayaan mo na naman ang sarili mong mabasa sa ulan,” saad ni Mama at kumalas siya sa yakap ko. “Saan na ba ang papa mo? Kanina ko pa siya hinihintay.” Hindi ako saumagot, tinitigan ko lang si Mama. Namumutla siya. Limang buwan na siya rito sa ospital. May sakit siya sa puso at kailangan niyang maoperahan, pero wala kaming perang pangpaoepera sa kaniya. Baon sa utang ang pamilya namin. Si Papa ay isang construction worker at ako naman ay isang call center agent. Kulang pa rin ang mga sahod namin ni Papa upang matustusan ang pangunahing pangangailangan ni Mama sa ospital. Halos wala na rin akong pahinga kasi lahat ng oras ko ay ginugugol ko sa trabaho. Pagkatapos kong magbihis ng damit, nakipagkwentuhan ako kay Mama, na parang walang nangyari at mabigat na problema akong dinadala. Ayaw kong sabihin sa kaniya ang mga nangyayari dahil natatakot ako na baka mas lalo lang lumala ang kalagayan niya. Bumukas ang pinto at nakita kong pumasok si Nadine. “Luna, si –” Hindi natapos ang sasabihin ni Nadine dahil nakita kong sumunod si Alexus sa kaniya. Nanigas ako sa kinatatayuan ko at napahawak sa tiyan ko. Sinulyapan ko si Mama, nakapikit na ang kaniyang mga mata. “Luna…” sambit ni Alexus. Bumilis ang pagtibok ng puso ko at binalot na naman ako ng takot. Namumula ang mga mata ni Alexus na nakatingin sa akin. Basang-basa rin ang suot niyang damit. Bumaling ako kay Nadine. “Bantayan mo muna si Mama. May pag-uusapan lang kami ni Alexus.” “Luna, ang Papa mo –” “Alam ko na, Nads. Mamaya na lang natin ‘yan pag-uusapan. May important e kaming pag-uusapak ni Alexus,” putol ko sa kaniyang sasabihin at naglakad palabas ng kwarto. Napansin ko kaagad ang pagsunod ni Alexus sa akin. Hinawakan niya ng mahigpit ang aking braso nang makalabas na kaming dalawa sa kwarto ni Mama. Humugot ako ng malalim na hininga at pinigilan ang pagbagsak ng aking mga luha bago siya hinarap. “Maghiwalay na tayo, Alexus. Hindi na kita mahal at hindi ikaw ang ama ng batang dinadala ko,” diretsong sabi ko sa kaniya. “I cheated on you, Alexus. I’m so sorry.” Mas lalong humigpit ang pagkahawak niya sa braso ko. Pinigilan ko ang pagbagsak ng aking mga luha dahil gusto kong paniwalaan niya ang mga sasabihin ko ngayon. “Wala ng dahilan pa para ipagpatuloy ang relasyon natin. Ayaw kong saktan ka kaya mas mabuting malaman mo ng ganito kaaga ang lahat Nagkasala ako sa iyo. May nakilala akong lalaki habang nasa London ka at may nangyari sa amin. Hindi ikaw ang ama ng batang nasa sinapupunan ko.” Umupo ako sa isang malamig na silya, habang si Alexus ay nasa harap ko, ang mga mata niyang puno ng sakit, ng galit, ng tanong—ng mga tanong na hindi ko alam kung paano sasagutin. “Paano mo magagawa ‘yun, Luna?” tanong ni Alexus, ang kanyang tinig ay puno ng pagkabigo, tila sinusubukang magsanib ang mga piraso ng kanyang mundo na nagbagsakan sa harap niya. “Bakit mo ako niloko?” Wala akong masabi. Ang mga salitang tumama sa akin ay tila nagputol sa aking dila. Ang totoo, hindi ko rin kayang tanggapin ang katotohanan. Wala akong balak na magsinungaling sa kaniya, pero ito lang ang paraan para tuluyan niya akong kamuhian. Ang aking ama—siya ang pumatay sa ama ni Alexus. Siya ang dahilan kung bakit ang isang buhay na puno ng pangarap at pag-asa ay naputol ng walang kalaban-laban. Hindi ko pa alam kung ano ang totoong nangyari at kung bakit humantong ang buhay ng ama ni Alexus, pero binalot na ako ng takot. Tinutukso ako ng mga alaala ng mga sandali ng kaligayahan na magkasama kaming dalawa—ang mga pagngiti, ang mga tawa, ang mga pangako. Lahat ng iyon, parang mga bula na mabilis na pumutok. Hindi ko kayang ipaliwanag sa kanya. Hindi ko kayang sabihin sa kanya na ang ama ko, na aking iniidolo at inaalagaan, ay siya palang may kagagawan ng lahat ng ito. Paano ko ipaliwanag na ang isang taong akala ko’y magmamahal sa akin ng walang kapantay ay nagdala ng hindi maipaliwanag na sakit kay Alexus? Tumayo si Alexus at lumuhod sa harapan ko. Nag-iwas ako ng tingin sa kaniya. “Luna, please tell me – that you’re lying. Hindi ka nagloko sa akin. Ako ang ama ng batang nasa sinapupunan mo,” pagmamakaawa ni Alexus. Umiling-iling ako. “Hindi ako nagsisinungaling, Alexus. Totoo lahat ng mga sinabi ko. I cheated on you and got pregnant with the stranger…” Sinuntok ni Alexus ang sahig. “That’s not true, Luna,” matigas niyang sabi. Ang mga mata ni Alexus ay puno ng galit—at may dahilan siya. Dapat lang. Nagsisimula nang mangilid ang kaniyang luha sa mga mata niya. “Hindi ko alam kung anong sasabihin ko,” sabi ko nang mahina, ang tinig ko ay basag na parang isang pira-pirasong salamin. “Hindi ko kayang tanggapin ang nangyari, Alexus. Hindi ko kayang tanggapin… ang lahat ng ito – na nabuntis ako ng ibang lalaki.” Ang huling titig ni Alexus sa akin ay matalim, puno ng hindi pagkakaunawaan at galit. “Hindi ko alam kung ano pa ang kulang sa akin. Binigay ko sa iyo ang lahat. Minahal kita ng sobra. Mas mahal pa kita kaysa sa sarili ko. Binago ko ang sarili ko simula nang makilala kita. Lahat ng mga pangarap ko ay kasama ka, pero bakit mo ito nagawa sa akin, Luna? Bakit mo ako niloko?” Ngumisi ako at inalis ang kaniyang kamay na nakahawak sa kamay ko. “Ginamit lang kita, Alexus. Hindi kita minahal. It’s just a dare with my friends. Hindi ako magpapagalaw sa ibang lalaki kung minahal din kita ng totoo.” Nilakasan ko ang aking loob na masabi sa kaniya lahat-lahat ng mga masasakit na salita upang tuluyan niya na akong layuan. “Kahit anong gawin mo, hindi kita kayang mahalin, Alexus . Kahit magmakaawa ka pa sa harapan ko, hinding-hindi na ako babalik sa ‘yo. Kalimutan mo na lang ako. Diring-diri na ako sa sarili ko kaya naisip ko na sabihin sa ‘yo ang totoo.” Napasinghap ako. “Hindi kita minahal at ibang lalaki ang ng batang dinadala ko. Kalimutan mo na lang ako, Alexus. Hindi ako ang babaeng para sa iyo.”Luna’s POVFive years later… Ang lambot ng upuan sa crew station ay halos hindi ko na maramdaman. Sa kabila ng pagod mula sa biyahe, ang puso ko ay puno ng pananabik. Sa bawat segundo ng pagbaba ng eroplano, parang mas umiikli ang distansya ko sa anak ko. “Cabin crew, prepare for landing,” sabi ng captain mula sa cockpit. Tumayo ako, sinigurong nakasarado ang overhead bins at nakaayos ang mga pasahero. Lahat ay tila abala sa kani-kaniyang ginagawa, ngunit ang utak ko ay nakatuon lang sa iisang bagay—ang yakapin si Bella. Nilingon ko ang bintana. Ang mga ilaw ng lungsod sa gabi ay parang alahas na nakahiga sa kadiliman. Malapit na talaga. Naramdaman ko ang bahagyang pag-iling ng eroplano habang bumaba ito nang tuluyan. “Ma’am, are we almost there?” tanong ng isang pasaherong nanay na may dalang sanggol. Ngumiti ako sa kaniya, ang ngiting puno ng sariling pangungulila. “Yes, Ma’am. Just a few more minutes,” sagot ko. Sana nga ganito rin kabilis ang lahat—ilang minuto na
Luna’s POVHinawakan ko ng mahigpit ang kamay ni Bella habang naglalakad kami patungo sa sakayan ng mga taxi. Nakasunod naman sa amin si Yaya Ana.“Luna!” Napatingin ako sa paligid nang marinig ang pamilyar na boses na tumawag sa akin. Nanlaki ang mga mata ko nang makita si Ate Brielle – ang kapatid ni Alexus, na tumatakbo palapit sa amin. Kasama niya ang kaniyang asawang si Kuya Mark. Niyakap niya ako kaya bigla akong nanigas sa kinatatayuan ko. “It’s been awhile. How are you?” Bumaba ang paningin niya sa batang kasama ko. “Ito na ba ang anak mo?” Tumango ako at tinago ang si Bella sa aking likod. “Yes, Ate Brielle.” Kinagat ko ang pang-ibabang labi ko. Nahihiya ako dahil hindi naging maayos ang hiwalayan namin ni Alexus noon. Pinasadahan niya ako ng tingin. “Flight Attendant ka na rin ba?” tanong ni Ate Brielle. Tumango ako. “Kakasimula ko lang po noong isang buwan,” sagot niya. Hinawakan ko ng mahigpit ang kamay ng aking anak. “Si Bella nga pala. Anak ko,” pagpapakilala ko.
Luna’s POVHuminga ako nang malalim bago pihitin ang seradura ng pintuan. Pakiramdam ko, bawat hakbang ko papasok sa silid ng ospital ay may nakapatong na mabigat na timbang. Nang tuluyan kong mabuksan ang pinto, ang malamig na hangin mula sa aircon ang unang bumati sa akin, kasunod ang tunog ng makina na mino-monitor ang tibok ng puso ni Bella. Naroon siya, nakahiga sa puting kama, napapaligiran ng mga tubo at wire na nakakabit sa maliit niyang katawan. Napakaliit niya para sa kama, parang napaka-fragile. Pero kahit ganoon, mahimbing ang tulog niya. Parang wala siyang iniinda, habang ako, parang nagugunaw ang mundo. Dahan-dahan akong lumapit, ang mga paa ko ay parang tumitimbang ng tonelada. Naupo ako sa tabi ng kama niya, pinigilan ang panginginig ng mga kamay ko bago hinawakan ang kaniyang maliliit na daliri. “Bella…” bulong ko, kahit alam kong hindi niya ako maririnig. Pinagmasdan ko ang maamo niyang mukha, ang payapang ekspresyon niya na para bang sinasabi niyang okay lang
Luna's POVNasa labas kami ng ospital at malamig ang simoy ng hangin, pero parang nagbabaga ang paligid dahil sa nag-aapoy na galit sa mga mata ni Alexus. “Alexus, hindi ko ginusto ang lahat ng nangyari,” mahinahon kong sabi, kahit na nanginginig na ang boses ko. “Nasaktan ka, alam ko. Pero hindi ibig sabihin—” “‘Hindi ko ginusto?’” Mabilis niyang putol sa akin, ang boses niya halos sumigaw. “Ang dali namang sabihin, Luna! Pero anong nangyari sa akin? Anong nangyari sa atin? Niloko mo ako! Niloko mo ako habang nasa ibang bansa ako! I tried to reach you out kahit niloko mo ako. Pero anong ginawa mo? You blocked me. Para akong gago na naghintay, nagtanong, nagmakaawa na bumalik ka, pero wala! Wala akong nakuha kung ‘di katahimikan!” Halos hindi ako makatingin sa kanya. Alam kong totoo ang bawat salita niya. Alam kong may karapatan siyang magalit, pero hindi ko rin kayang sabihin ang totoo. Hindi dito, hindi ngayon. “Alexus, hindi mo naiintindihan—” “Hindi naiintindihan ang alin
Luna’s POV Muli akong bumalik sa trabaho bilang flight attendant matapos siguraduhin na maayos na ang pakiramdam ni Bella. Ilang linggo rin akong nag-leave para maalagaan siya nang mabuti. Hindi madali, pero sa tuwing tinitingnan ko ang maaliwalas niyang mukha, nararamdaman kong sulit lahat ng sakripisyo. Ngayong bumalik na ako sa trabaho, ramdam ko ang kakaibang saya. Habang naglalakad sa terminal suot ang uniporme ko, naramdaman kong muli ang saya ng pagiging bahagi ng mundong ito—ang saya ng paglipad, ang pakiramdam na para bang saglit mong nakakalimutan ang bigat ng buhay habang nasa taas ng ulap. Pagsakay ko sa eroplano, sinalubong ako ng mga kasamahan kong matagal ko nang hindi nakita. “Luna! Welcome back!” bati ng isa kong kasamahan, si Claire, sabay yakap sa akin. “Na-miss ko kayo,” sagot ko, sabay ngiti. Pakiramdam ko, nasa tamang lugar na ulit ako. Habang naghahanda kami para sa boarding, tiningnan ko ang sarili ko sa maliit na salamin na nakasabit sa galley. Ipinan
Luna’s POV Pagkatapos ng mahabang biyahe, halos hindi ko maayos ang paghinga ko. Pakiramdam ko, natapos ang flight na halos wala ako sa sarili ko. Ang bawat salitang binitiwan ni Alexus sa cockpit kanina ay paulit-ulit na umalingawngaw sa utak ko. “Mag-resign ka.” Ramdam ko pa rin ang malamig na bigat ng mga salita niya, parang direktang pinunit ang bawat piraso ng dignidad ko. Bakit ganoon ang trato niya sa akin? Oo, iniwan ko siya. Oo, nasaktan ko siya. Pero ganoon ba talaga ako kasama sa paningin niya para sabihin na hindi ako karapat-dapat sa trabahong ito? Hindi niya ba naiisip kung gaano kahirap para sa akin na bumangon pagkatapos ng lahat ng nangyari noon? Hindi niya ba naiintindihan na may mga dahilan akong hindi ko kayang ipaliwanag? Nang makarating kami sa Los Angeles, pakiramdam ko ay mas malayo ako sa sarili ko kaysa sa bansang kinaroroonan namin. Paglabas ko sa eroplano, nagmamadali akong naglakad papunta sa terminal, gustong makahanap ng tahimik na sulok para ma
Luna’s POV Pagkatapos ng masalimuot naming pag-uusap sa Los Angeles, nagpatuloy ang trabaho ko nang parang wala akong kinikimkim na emosyon. Isa itong pagtatangka na panatilihin ang propesyonalismo, pero sa loob ko, nagngangalit ang damdamin ko—halo-halo: lungkot, galit, at isang damdaming hindi ko kayang itanggi—ang tuwang nararamdaman ko tuwing nasa paligid si Alexus, kahit pa galit siya sa akin. Ang flight namin patungong Mexico ay puno ng mga pasaherong masigla, karamihan ay pawang mga turista na excited sa kanilang bakasyon. Ginawa ko ang lahat ng makakaya upang mag-focus sa trabaho. Ngumiti ako sa mga pasahero, nag-alok ng pagkain at inumin, at sumagot ng may maayos na tono. Ngunit sa bawat saglit na tahimik ako, ang presensya ni Alexus ay parang anino na bumabalot sa akin. Sa gitna ng flight, tumunog ang intercom. “This is your captain speaking. We are now cruising at 35,000 feet. Sit back, relax, and enjoy the flight to Mexico.” Ramdam ko ang pamilyar na lamig sa boses
Luna's POV Nakatayo si Alexus, ang mga mata niya ay diretso nakatingin sa akin, puno ng emosyon na hindi ko maipaliwanag. Ang malamig na hangin ay nagdala ng kakaibang tensyon sa pagitan namin. Napalunok ako at agad na ibinalik ang tingin sa dagat, pilit na hindi nagpapahalata na ang presensya niya ay nagpapabilis ng tibok ng puso ko. “Anong ginagawa mo rito? Bakit hindi ka sumabay sa mga kasama mo?” biglang tanong niya, basag ang katahimikan. Ang boses niya ay mas malumanay kaysa kanina, pero may halong diin na parang alam niya ang lahat ng iniisip ko. “Ang ganda ng view,” sagot ko, hindi nilingon ang mukha niya. “Kailangan ko lang bigyan ang oras kong magpahinga.” Narinig ko ang mabigat niyang hakbang habang papalapit siya sa akin. Hanggang sa maramdaman ko na lang na naupo siya sa batong katabi ko. Tumahimik siya, na para bang binibigyan niya ako ng pagkakataong magsalita, pero hindi ko alam kung ano ang sasabihin. Maya-maya, siya na ang nagsalita. “How’s your daughter?”
Bella's POV Muli akong napatingin kay Brent.Hindi ko alam kung dapat ko ba siyang hawakan sa braso para pigilan siya, o hayaan siyang ilabas ang matagal nang kinikimkim niyang sakit.Parang naninikip ang dibdib ko sa bigat ng sitwasyon.Ngayon ko lang nakita ang totoong lalim ng sugat na iniwan ng babaeng ito sa kanya.Si Claudia ay tahimik lang na nakatayo sa harap namin, namumula ang mga mata, para bang gustong ipaliwanag ang sarili pero hindi alam kung paano magsisimula."I never meant to hurt her," mahina niyang sabi, pero halatang hirap na hirap siyang bitawan ang mga salitang iyon.Biglang bumigat ang paligid."Pero nasaktan siya, Claudia," malamig na sagot ni Brent. "At hindi lang siya. Nawala siya. Dahil sa’yo, hindi na siya bumalik."Napasinghap ako.Hindi ko alam kung paano ko hahawakan ang sitwasyong ito. Hindi ko rin alam kung paano ako dapat mag-react.Ang alam ko lang ay hindi lang ito ordinaryong away ng dating magkasintahan.Ito ay sugat ng nakaraan na hindi pa gumag
Bella's POV Maaga akong nagising sa kwartong inilalaan sa akin ni Brent sa rest house nila. Kahit pa pilit kong ipinaalala sa sarili kong wala akong balak mag-enjoy sa trip na ‘to, hindi ko mapigilang humanga sa tanawin mula sa balcony. The sun was rising over the crystal-clear waters, and the salty breeze was refreshing against my skin.Pero bago pa ako makapag-moment ng tuluyan, may kumatok sa pintuan ko.Knock. Knock."Bella, get up. May pupuntahan tayo."Napairap ako. "Brent, hindi pa ako nag-aalmusal.""Hindi rin ako kumain," sagot niya. "Pero kung ayaw mong mahuli sa itinerary natin, mas mabuting bumangon ka na."Umiling na lang ako bago tuluyang bumangon at nag-ayos.Paglabas ko ng villa, naghihintay na si Brent sa labas, nakasandal sa isang buggy. He looked effortlessly cool in his white linen shirt, sleeves rolled up, and a pair of beige shorts. Nakasuot din siya ng dark sunglasses, pero kahit natatakpan ang mga mata niya, alam kong may pang-aasar na naman siyang iniisip."R
Bella's POV Napapikit ako habang pinipigilan ang sarili kong mapahinga nang malalim.Sa harapan ko, nakatayo si Mommy at si Daddy, parehong may nakapamulsa at seryosong tingin sa akin. Sa tabi nila, parang batang tahimik na naghihintay si Brent, pero alam kong sa loob-loob niya, natatawa na siya sa sitwasyon ko ngayon."Bella," panimula ni Mommy, "wala namang masama kung subukan mong makasama si Brent nang mas matagal. Hindi naman masamang lalaki 'yan.""Ma, hindi naman ako nagsabing masamang tao siya," sagot ko, pilit na inuunawa kung bakit ba parang ang dali lang para sa kanila na i-push ako kay Brent."Anak, hindi ka na bumabata," dagdag ni Daddy. "Kailan mo pa balak kilalanin si Brent kung lagi mong lalayuan?"Napabuntong-hininga ako."At saka," dagdag pa ni Mommy, this time may kasamang nakakalokong ngiti, "maganda ang lugar. Sa rest house ng mga Cordova sa Palawan. Fresh air. Good food. Tahimik. Romantic. Hindi ka ba nae-excite?"Tumawa ako nang walang gana. "Romantic? Ma, ang
Brent's POV Maingat kong inakay si Bella papasok sa silid niya, pilit pinipigilan ang tawa habang kung anu-ano na lang ang lumalabas sa bibig niya."Bakit ba ang dami mong sinasabi?" natatawang tanong ko habang sinusuportahan ang katawan niyang halos hindi na makatayo ng maayos."Because…" Lumingon siya sa akin, namumungay ang mga mata. "Dapat mo akong pakinggan!""Okay, I’m listening," sagot ko, pero halos hindi ko na maintindihan ang sinasabi niya."Kasi, Brent…" Pumikit siya saglit at parang nag-iisip ng malalim. "Ikaw ang pinaka-annoying na taong nakilala ko sa buong buhay ko!"Napahinto ako, sabay napakunot-noo. “Wow. I feel so honored.”Nagtaas siya ng isang daliri sa harap ko. "Pero…" Bumuntong-hininga siya, saka ngumiti. "Nakakatuwa ka rin minsan."Napangiwi ako. "Minsan lang?""Oo, minsan lang." Tumawa siya ng mahina. "Pero ngayon… siguro, mga twice."Napailing ako, patuloy siyang inalalayan hanggang sa marating namin ang kama niya. Inihiga ko siya nang dahan-dahan, pero bag
Brent's POV.Napakalamig ng hangin nang lumabas kami ni Bella mula sa restaurant. Tahimik lang siyang naglakad sa tabi ko, pero ramdam ko ang bigat ng damdamin niya sa bawat hakbang. Hindi man niya sabihin nang direkta, alam kong apektado pa rin siya sa pagkikita nilang muli nina Danica at Gabriel. Hindi iyon isang bagay na madali niyang matatakasan.Nang marating namin ang kotse, agad siyang pumasok at isinara ang pinto nang may kaunting diin. Pinagmasdan ko siya sandali bago ako sumakay sa driver’s seat.Tahimik. Masyadong tahimik.Sa paningin ng iba, baka isipin nilang pagod lang siya, pero ako? Alam kong may bumabagabag sa kanya.Pinaandar ko ang sasakyan, pero hindi pa man kami nakakalayo, narinig ko na ang mahina niyang paghikbi.Napakapit ako sa manibela, bahagyang napapikit.Ayokong makita siyang umiiyak."Bella," mahina kong tawag.Hindi siya sumagot.Napatingin ako saglit sa kanya, at kitang-kita ko kung paano niya hinayaan ang luha niyang bumagsak sa pisngi niya. Mahigpit n
Bella's POV Nakatitig lang ako sa screen ng cellphone ko habang tumutunog ang tawag ni Mommy. I knew I had no choice but to answer it. Kahit pa pakiramdam ko, wala na akong ibang naririnig kundi ang pintig ng sariling puso kong puno ng inis at pangamba.Napabuntong-hininga ako bago ko tuluyang sinagot."Mom?""Bella, hija," bungad ng ina ko, ang tono ay pormal pero may bahid ng awtoridad—isang klase ng boses na alam kong hindi puwedeng pagtanggihan. "May family dinner tayo mamayang gabi. You need to come, at isama mo si Brent."Napapikit ako habang napakuyom ang isang kamay. Sa dami ng taong puwede kong isama, bakit kailangang si Brent?"Mom, I don't think—""Bella," putol ng Mommy ko, mas lalong tumalim ang tono. "This is not up for discussion. I already told everyone that you’re bringing Brent. You will be there, understood?"Napakagat ako sa labi. Sa loob-loob ko, gusto kong sumigaw. Bakit ba itinutulak ako ng pamilya ko sa lalaking halos hindi ko kilala? Pero kahit anong galit a
Bella's POV Mas bumigat ang ekspresyon ni Gabriel. “I know, and I’m sorry. Pero hindi gano’n kasimple ang lahat.” Natawa ako, pero puno ng pait. “Gano’n ba? At ano namang komplikasyon ang pinagsasabi mo? Dahil wala akong oras sa 'yo? Dahil mas pinili kong mag-focus sa career ko kaysa sa 'yo?” He didn’t respond. Instead, he just sighed and ran a hand through his hair. Tumingala ako, pinipigilan ang pag-apaw ng emosyon. Hindi ko ito hahayaang maging drama scene. Hindi ko ibibigay kay Gabriel ang kapangyarihang saktan ulit ako. “So that’s it?” I asked, my voice was cold. “Dumating ka lang para sa isang ‘I’m sorry’? Para sabihin sa akin na hindi ito ang iniisip ko? You want to ease your guilt, is that it?” “Bella, please—” “No.” Tumayo ako nang tuwid, hinigpitan ang kapit sa braso ko. “Tapos na tayo, Gabriel. And I don’t care about your excuses anymore.” Tahimik lang siyang nakatingin sa akin. Hindi ko alam kung nasaktan siya sa sinabi ko, pero wala na akong pakialam. I turned ar
Bella's POV "Mauna ka nang umuwi, Brent. May duty pa ako." Mabilis kong sinabi iyon habang inaayos ang ID ko. Kailangan kong bumalik sa rounds ko, at wala akong balak makipagtagisan ng tingin sa kanya sa loob ng ospital na ito. Tumikhim siya, tila hindi sang-ayon. “Sigurado ka? Pwede kitang hintayin.” Umirap ako. “Kaya ko na ang sarili ko. Hindi ko kailangan ng yaya.” Nagtaas siya ng kilay pero hindi na nagsalita pa. Ipinatong niya lang saglit ang kamay niya sa likod ko bago siya tumalikod para umalis. I was about to head to the nurse’s station when— "Aba, aba! Sino 'yang pogi mong kasama, iha?" Napapikit ako nang mariin sa malakas na boses ng tiyahin kong si Brielle. She was my father’s elder sister—isang retired nurse na ngayon ay namamahala ng ospital. Kilala siya sa pagiging straightforward, at walang filter ang bibig. “Tita Brielle,” mahina kong sabi habang dinadama ang paparating na kahihiyan. "Hindi mo naman ako pinapakilala sa fiancé mo," aniya, malakas ang boses at
Bella's POV Nagising ako sa tunog ng malakas na ringtone ng cellphone ko. Halos mabulunan ako sa pagbangon habang kinakapa ang phone sa gilid ng kama.“Hello?” garalgal pa ang boses ko.“Bella! Nasa’n ka? Emergency case ‘to—kailangan ka namin sa operating room ASAP!”Agad akong natauhan sa sigaw ng isang resident doctor mula sa kabilang linya.“Oh, my god. On my way!”Napabalikwas ako ng bangon, hindi na ininda ang bigat ng katawan ko matapos ang stress kahapon.Shit. Late na ako.Dali-dali akong nag-ayos. Isang mabilisang hilamos, suklay, at pagkuha ng bag ang ginawa ko bago nagmamadaling bumaba.Pagdating ko sa sala, bumungad sa akin si Brent, nakaupo sa sofa at nakatutok sa balita sa TV. Kahit sa simpleng gray na shirt at sweatpants, hindi maitatangging nakakainis pa rin ang pagiging composed niya. Samantalang ako, mukhang sabog.“Brent, may emergency case ako—”“Hindi mo ba balak maligo?” putol niya, hindi man lang nilingon ako.Napangiwi ako.“Wala na akong oras! Kailangan kong