Luna’s POV
Huminga ako nang malalim bago pihitin ang seradura ng pintuan. Pakiramdam ko, bawat hakbang ko papasok sa silid ng ospital ay may nakapatong na mabigat na timbang. Nang tuluyan kong mabuksan ang pinto, ang malamig na hangin mula sa aircon ang unang bumati sa akin, kasunod ang tunog ng makina na mino-monitor ang tibok ng puso ni Bella. Naroon siya, nakahiga sa puting kama, napapaligiran ng mga tubo at wire na nakakabit sa maliit niyang katawan. Napakaliit niya para sa kama, parang napaka-fragile. Pero kahit ganoon, mahimbing ang tulog niya. Parang wala siyang iniinda, habang ako, parang nagugunaw ang mundo. Dahan-dahan akong lumapit, ang mga paa ko ay parang tumitimbang ng tonelada. Naupo ako sa tabi ng kama niya, pinigilan ang panginginig ng mga kamay ko bago hinawakan ang kaniyang maliliit na daliri. “Bella…” bulong ko, kahit alam kong hindi niya ako maririnig. Pinagmasdan ko ang maamo niyang mukha, ang payapang ekspresyon niya na para bang sinasabi niyang okay lang ang lahat. Pero hindi okay. Paano magiging okay kung ang puso niya mismo ang may sakit? Napapikit ako, pilit na nilulunod ang mga takot ko sa dasal. “Anak, sorry kung hindi ko agad nalaman. Sorry kung hindi kita naalagaan nang mabuti. Pero ipapangako ko, gagawin ko ang lahat. Pagagalingin kita. Lalaban tayo.” Hindi ko napansin na tumutulo na pala ang mga luha ko. Marahan kong pinahid ang mga iyon, ayaw kong makita niya akong umiiyak kung sakaling magising siya. Gusto kong makita niya ang nanay niyang malakas, kahit pakiramdam ko, parang bibigay na ako. Tiningnan ko ang makina na nagpapakita ng tibok ng puso ni Bella. Bawat beep ay parang kumpas ng oras na hindi ko kayang kontrolin. Pero habang naririnig ko iyon, pinapaalala rin nito sa akin na buhay siya, na may pag-asa pang mabuhay ng matagal si Bella. “Bella, kailangan mong lumaban, anak,” muli kong bulong. “Kasi narito si Mama. Hindi kita iiwan.” Pinisil ko ang kamay niya, mahigpit pero maingat, umaasang kahit sa pagtulog niya, nararamdaman niya ang pagmamahal ko. Wala na akong ibang iniisip ngayon kung ‘di ang pagalingin siya, kahit ano pa ang kailangan kong gawin. Siya ang mundo ko, at hindi ko hahayaang mawala siya sa akin. *** Nakaupo ako sa maliit na opisina ng doktor, mag-isa, habang hawak ang ballpen na ibinigay niya para sa mga kailangang isulat. Pilit kong pinakakalma ang sarili ko, pero bawat salita niya ay parang bigat na dinadagdag sa mga balikat ko. “Ma’am Luisa Natasha Reid,” simulang sabi ng doktor, nakatingin sa akin mula sa kanyang papel. “Ang kondisyon ng anak mo ay nangangailangan ng masusing pag-aalaga. Narito ang mga dapat nating gawin at iwasan para matulungan ang puso niya.” Tumango ako, kahit ramdam kong bumibigat ang dibdib ko sa bawat salitang maririnig. “Una, kailangang maging maingat tayo sa kaniyang pagkain. Bawal ang sobrang alat, matatabang pagkain, at processed food. Kailangan natin ng diet na mababa sa sodium at cholesterol.” Nag-note ako sa papel, pilit na inaalala kung paano ko babaguhin ang buong kusina namin para masunod iyon. “Yes, Doc,” mahina kong sagot. “Pangalawa,” patuloy niya, “kailangan niyang magkaroon ng tamang pahinga. Iwasan natin ang sobrang pagod o mga aktibidad na maaaring magdulot ng stress sa kaniyang puso. Ang mga laro niya, dapat controlled at hindi masyadong pisikal.” Bumigat ang pakiramdam ko. Gustong-gusto ni Bella ang tumakbo sa park, maglaro ng tagu-taguan, o kaya ay magbisikleta. Paano ko ipapaliwanag sa kaniya na hindi niya magagawa ang mga bagay na ito? “Pangatlo,” dagdag niya, “dapat nating bantayan ang kaniyang timbang. Mas mainam kung magkakaroon tayo ng regular na check-up upang masubaybayan ang progreso niya. At kung sakaling makaramdam siya ng kahit anong sintomas—kahirapan sa paghinga, matinding pagkapagod, o pananakit ng dibdib—dapat agad tayong kumonsulta.” “Dok… kaya ko po bang gawin lahat ng ito mag-isa?” tanong ko, hindi na naitago ang panginginig sa boses ko. Alam kong kailangang malakas ako, pero parang hindi ko mapigilan ang kaba sa dami ng kailangang gawin. Palagi akong wala sa tabi niya at tanging si Yaya Ana lang ang kasama ni Bella dahil may trabaho ako. Ngumiti ang doktor, isang tipong ngiti na parang sinasabing naiintindihan niya ang nararamdaman ko. “Ma’am, naiintindihan ko na hindi ito magiging madali. Pero hindi ka nag-iisa. Nandito kami para tumulong. Kailangan lang nating maging consistent at masipag sa pagsunod sa mga hakbang na ito.” Tumango ako, kahit hindi ko alam kung sapat ba ang sagot kong iyon. “Panghuli,” dagdag niya, mas seryoso na ngayon, “paghandaan natin ang posibilidad ng operasyon. Hindi pa ito sigurado, pero kung lumala ang kondisyon niya, maaaring iyon ang pinakaangkop na solusyon.” Parang nag-echo ang salitang operasyon sa isip ko. Bigla akong nakaramdam ng takot, pero alam kong hindi ko dapat ipakita iyon. Para kay Bella, gagawin ko ang lahat, kahit ang pinakamasakit na desisyon. Pagkatapos ng usapan, kinuha ko ang papel na puno ng mga tagubilin at pinanghawakan ito nang mahigpit. Habang papalabas ako ng opisina, isang bagay lang ang sigurado sa puso ko—lalaban ako para sa anak ko, kahit gaano kahirap, kahit gaano kasakit. Siya ang buhay ko, at walang puwedeng tumibag doon. Lumiban ako sa trabaho at nanatili sa ospital ng ilang araw upang maalagaan ng mabuti si Bella. Mas importante pa rin siya kaysa sa trabaho ko lalo na ngayong alam kong may sakit siya. Kaya pala palagi siyang kinakapos sa paghinga dahil may problema sa puso niya. Palabas na kami sa ospital nang mapansin ang pamilyar na pigurang nakatayo sa labas ng parking lot. Binuhat ko si Bella nang mapagtantong si Alexus ang lalaking ‘yon, kasama niya ang kaniyang pamangkin na si Sevi. “Yaya Ana, pakibitbit na lang ang mga gamit ni Bella,” utos ko at nag-abang ng taxi. “Your daughter is sick.” Napakagat-labi ako nang marinig ang boses ni Alexus sa aking likuran. Dahan-dahan akong humarap sa kaniya at siniksik ang mukha ni Bella sa leeg ko. “Sinusundan mo ba kami?” pagtataray ko sa kaniya. “Hindi mo na problema kung may sakit ang anak ko.” “Kinarma ka sa pangloloko mo sa akin noon. ‘Yan ang napala mo sa pagiging malandi mo, Luna. Hindi ka kasi marunong makuntento. Gusto mong tikman lahat ng lalaki,” pang-iinsulto ni Alexus sa akin. “Mommy, let’s go home,” paos ang boses ni Bella. “Yes, baby. We’ll go home na.” Ibinigay ko si Bella kay Yaya Ana at hinarap si Alexus nang makapasok na sila sa loob ng kotse. “Wala kang pakialam, Alexus. Siguro nga ay kinarma ako sa ginawa ko noon. Pero hindi ko pinagsisihan ang ginawa ko. Hindi mo alam kung ano ang mga pinagdaanan ko kaya huwag mo akong iinsultohin sa harap ng anak ko!” Hinawakan niya ng mahigpit ang braso ko. “Gagawin kong miserable ang buhay mo. Hindi ako titigil hangga’t hindi ka luluhod habang nagmamakaawa sa akin, Luna,” matigas niyang sabi at marahas na binitawan ang aking braso.Luna's POVNasa labas kami ng ospital at malamig ang simoy ng hangin, pero parang nagbabaga ang paligid dahil sa nag-aapoy na galit sa mga mata ni Alexus. “Alexus, hindi ko ginusto ang lahat ng nangyari,” mahinahon kong sabi, kahit na nanginginig na ang boses ko. “Nasaktan ka, alam ko. Pero hindi ibig sabihin—” “‘Hindi ko ginusto?’” Mabilis niyang putol sa akin, ang boses niya halos sumigaw. “Ang dali namang sabihin, Luna! Pero anong nangyari sa akin? Anong nangyari sa atin? Niloko mo ako! Niloko mo ako habang nasa ibang bansa ako! I tried to reach you out kahit niloko mo ako. Pero anong ginawa mo? You blocked me. Para akong gago na naghintay, nagtanong, nagmakaawa na bumalik ka, pero wala! Wala akong nakuha kung ‘di katahimikan!” Halos hindi ako makatingin sa kanya. Alam kong totoo ang bawat salita niya. Alam kong may karapatan siyang magalit, pero hindi ko rin kayang sabihin ang totoo. Hindi dito, hindi ngayon. “Alexus, hindi mo naiintindihan—” “Hindi naiintindihan ang alin
Luna’s POV Muli akong bumalik sa trabaho bilang flight attendant matapos siguraduhin na maayos na ang pakiramdam ni Bella. Ilang linggo rin akong nag-leave para maalagaan siya nang mabuti. Hindi madali, pero sa tuwing tinitingnan ko ang maaliwalas niyang mukha, nararamdaman kong sulit lahat ng sakripisyo. Ngayong bumalik na ako sa trabaho, ramdam ko ang kakaibang saya. Habang naglalakad sa terminal suot ang uniporme ko, naramdaman kong muli ang saya ng pagiging bahagi ng mundong ito—ang saya ng paglipad, ang pakiramdam na para bang saglit mong nakakalimutan ang bigat ng buhay habang nasa taas ng ulap. Pagsakay ko sa eroplano, sinalubong ako ng mga kasamahan kong matagal ko nang hindi nakita. “Luna! Welcome back!” bati ng isa kong kasamahan, si Claire, sabay yakap sa akin. “Na-miss ko kayo,” sagot ko, sabay ngiti. Pakiramdam ko, nasa tamang lugar na ulit ako. Habang naghahanda kami para sa boarding, tiningnan ko ang sarili ko sa maliit na salamin na nakasabit sa galley. Ipinan
Luna’s POV Pagkatapos ng mahabang biyahe, halos hindi ko maayos ang paghinga ko. Pakiramdam ko, natapos ang flight na halos wala ako sa sarili ko. Ang bawat salitang binitiwan ni Alexus sa cockpit kanina ay paulit-ulit na umalingawngaw sa utak ko. “Mag-resign ka.” Ramdam ko pa rin ang malamig na bigat ng mga salita niya, parang direktang pinunit ang bawat piraso ng dignidad ko. Bakit ganoon ang trato niya sa akin? Oo, iniwan ko siya. Oo, nasaktan ko siya. Pero ganoon ba talaga ako kasama sa paningin niya para sabihin na hindi ako karapat-dapat sa trabahong ito? Hindi niya ba naiisip kung gaano kahirap para sa akin na bumangon pagkatapos ng lahat ng nangyari noon? Hindi niya ba naiintindihan na may mga dahilan akong hindi ko kayang ipaliwanag? Nang makarating kami sa Los Angeles, pakiramdam ko ay mas malayo ako sa sarili ko kaysa sa bansang kinaroroonan namin. Paglabas ko sa eroplano, nagmamadali akong naglakad papunta sa terminal, gustong makahanap ng tahimik na sulok para ma
Luna’s POV Pagkatapos ng masalimuot naming pag-uusap sa Los Angeles, nagpatuloy ang trabaho ko nang parang wala akong kinikimkim na emosyon. Isa itong pagtatangka na panatilihin ang propesyonalismo, pero sa loob ko, nagngangalit ang damdamin ko—halo-halo: lungkot, galit, at isang damdaming hindi ko kayang itanggi—ang tuwang nararamdaman ko tuwing nasa paligid si Alexus, kahit pa galit siya sa akin. Ang flight namin patungong Mexico ay puno ng mga pasaherong masigla, karamihan ay pawang mga turista na excited sa kanilang bakasyon. Ginawa ko ang lahat ng makakaya upang mag-focus sa trabaho. Ngumiti ako sa mga pasahero, nag-alok ng pagkain at inumin, at sumagot ng may maayos na tono. Ngunit sa bawat saglit na tahimik ako, ang presensya ni Alexus ay parang anino na bumabalot sa akin. Sa gitna ng flight, tumunog ang intercom. “This is your captain speaking. We are now cruising at 35,000 feet. Sit back, relax, and enjoy the flight to Mexico.” Ramdam ko ang pamilyar na lamig sa boses
Luna's POV Nakatayo si Alexus, ang mga mata niya ay diretso nakatingin sa akin, puno ng emosyon na hindi ko maipaliwanag. Ang malamig na hangin ay nagdala ng kakaibang tensyon sa pagitan namin. Napalunok ako at agad na ibinalik ang tingin sa dagat, pilit na hindi nagpapahalata na ang presensya niya ay nagpapabilis ng tibok ng puso ko. “Anong ginagawa mo rito? Bakit hindi ka sumabay sa mga kasama mo?” biglang tanong niya, basag ang katahimikan. Ang boses niya ay mas malumanay kaysa kanina, pero may halong diin na parang alam niya ang lahat ng iniisip ko. “Ang ganda ng view,” sagot ko, hindi nilingon ang mukha niya. “Kailangan ko lang bigyan ang oras kong magpahinga.” Narinig ko ang mabigat niyang hakbang habang papalapit siya sa akin. Hanggang sa maramdaman ko na lang na naupo siya sa batong katabi ko. Tumahimik siya, na para bang binibigyan niya ako ng pagkakataong magsalita, pero hindi ko alam kung ano ang sasabihin. Maya-maya, siya na ang nagsalita. “How’s your daughter?”
Luna’s POV “Hindi mo obligasyon si Bella. Ayaw kong magkaroon ng utang na loob sa ’yo, Alexus. Masaya na ako sa buhay ko kasama ang aking anak. Sana ganoon ka rin. Kalimutan mo na ako at ang nakaraan natin,” mariin kong sabi habang pilit kong inilalayo ang puso ko mula sa alon ng emosyon na hatid niya. Ngumiti ako, pero ramdam ko ang panginginig ng labi ko. Dahan-dahan kong binawi ang kamay ko mula sa kanya, ngunit sa pagbitaw ko ay tila may piraso ng puso kong naiwan sa kanya. Tahimik si Alexus, pero ang mga mata niya ay parang isang bagyong naglalaman ng galit, sakit, at pagkalito. Ilang segundo siyang hindi nagsalita, pero sa segundong iyon ay parang napakabagal ng oras. Ang pag-ihip ng hangin ay tila nanahimik, at ang ingay ng alon ay nawala sa likod ng damdaming bumalot sa pagitan namin. “Masaya ka?” aniya sa wakas, may halong panunuya sa kanyang boses. “’Yan ang gusto mong paniwalaan ko? Na masaya ka nang wala ako? Na masaya ka habang—” Tumigil siya, pero halata sa mukha
Luna's POV Magdamag akong nakatulala sa bintana ng hotel room ko sa Mexico. Ang liwanag ng buwan ay tumatama sa tubig sa labas, nagbibigay-liwanag sa madilim kong isipan. Paulit-ulit na bumabalik sa akin ang mga sinabi ni Alexus kanina. Ang sakit sa boses niya, ang tingin niyang puno ng galit at pagtataksil—lahat ng iyon ay parang pira-pirasong salamin na patuloy na bumabaon sa puso ko. “Sinubukan mo bang itago ito habambuhay?” Ang tanong niyang iyon ang paulit-ulit kong naririnig sa isipan ko. Oo, sinubukan ko. Ginawa ko ang lahat para mapanatiling nakatago ang lihim na iyon, pero hindi ko aakalaing madadagdang problema dahil lang sa kasinungalingang sinabi ni Cara kay Alexus. Hindi ko maamin sa kaniya ang totoo dahil mas pinangunahan ako ng takot. Pero siguro ay tama rin ang ginawa ni Cara para tuluyan na akong layuan at kamuhian ni Alexus Hindi ko alam kung paano ko haharapin ang susunod na araw. Alam kong hindi na magiging pareho ang lahat. Ngunit sa kabila ng sakit at ta
Luna’s POV Habang papalapit ang eroplano sa runway ng Manila International Airport, naramdaman ko ang panginginig sa aking dibdib. Hindi dahil sa excitement na makabalik sa bansa ko, kundi dahil sa lamig na bumabalot sa akin sa bawat sandali sa loob ng eroplano. Tanging ang tunog ng makina at ang mahinang sipa ng mga ulap sa ilalim ng mga pakpak ang naririnig ko. Kasama ko si Alexus sa flight na ito, ngunit sa mga mata ko, parang magkaibang mundo kami. Hindi ko kayang tingnan siya ngayon. Masakit pa ang mga alaala, at alam kong pareho kami ng nararamdaman. Ngunit hindi ko siya kayang patawarin nang basta-basta—lalo na dahil sa ginawa niya sa akin noon. Ang sakit na iniwan niya ay tila wala nang katapusan. “Huwag mo na akong lapitan, Luna,” malamig na boses ni Alexus ang bumangon mula sa aking mga alala. Hindi ko kailanman iniiwasan ang mga titig ni Alexus, ngunit sa pagkakataong ito, hindi ko kayang makita ang galit sa mata niya. “Hindi ko kailangan ang mga pangako mo. Hindi ko n
Brent's POV Habang masaya silang nagkukuwentuhan sa ilalim ng araw sa tabi ng beach dito sa Batangas, palihim akong lumayo. Sa isang mas liblib na bahagi ng resort, kinuha ko ang cellphone ko at nag-dial. “Siguraduhin mong maibigay ang gamot kay Gabriel. Low dosage lang muna. Enough para hindi siya tuluyang manghina, pero sapat para mag-regain siya ng strength,” mahina kong sabi sa kausap. “Hindi ba delikado?” tanong ng kabilang linya. “Hindi kung tama ang dose. Gusto ko lang makabawi siya. Hindi ito tungkol sa kanya. Ito ay tungkol kay Bella. I want her to see that I’m not the kind of man who lets personal grudges get in the way of someone’s healing. Kahit pa siya ang dahilan ng lahat ng sakit ng kapatid ko… at ng pagkawasak ng maraming bagay.” “Noted, Doc. I’ll handle it carefully.” Binaba ko ang tawag at saglit na napatingin sa langit. There was something about the way the clouds moved—slow, unhurried, just like how I wished time would go when I’m with her. Pagbalik ko sa c
Bella's POV Tahimik ang buong bahay nang magising ako kinabukasan. Ang sikat ng araw ay mahinhing dumadaloy sa puting kurtina ng silid, halos parang yakap ng isang ina na pilit kang pinapakalma. Ngunit sa kabila ng ginhawang iyon, nanatili pa rin ang bigat sa dibdib ko—isang uri ng pagod na hindi kayang lunasan ng tulog o katahimikan. Bumaba ako nang marinig ko ang mahinang tunog ng kubyertos mula sa dining area. Ang aroma ng mainit na kape at freshly toasted bread ay agad na pumasok sa ilong ko. Pagliko ko sa kusina, bumungad si Brent—naka-apron, may hawak na kutsara habang tinitikman ang sauce ng niluluto niyang omelette. Sandali akong natigilan. Hindi ko inaasahan na sa kabila ng lahat, magagawa pa rin niyang ngumiti ng ganoon ka-payapa. Parang hindi kami kailanman nag-away, parang wala siyang tinagong lihim na kailanma au sumira sa tiwala ko. “Good morning,” bati niya, sabay turo sa pagkain sa mesa. “I made breakfast. You barely ate last night.” Hindi ko siya sinagot. Dahan-da
Bella's POV Madaling araw na. Tahimik ang paligid ng ospital, tanging huni lamang ng mga kuliglig at mahinang tunog ng mga sasakyang dumaraan ang maririnig sa labas. Halos mag-collapse na ang katawan ko sa pagod, pero mas mabigat pa rin sa dibdib ko ang laman ng isip ko. Habang inaayos ko ang mga gamit ko sa locker room, sumagi sa isip ko ang mukha ni Gabriel—mas maamo na ngayon, mahina pa rin ang katawan, pero unti-unti nang bumabalik ang lakas. Araw-araw ko siyang tinitingnan, binabantayan, sinisiguradong maayos ang gamot niya, ang pagkain niya, ang physical therapy. Ginagawa ko lahat, hindi para sa kanya kundi para sa sarili kong prinsipyo bilang doktor. Hindi ko pa rin kinakausap si Brent. Kahit araw-araw niya akong sinusundo. Kahit ilang beses na siyang nakiusap. Kahit nararamdaman ko na ang paninikip ng dibdib tuwing iniiwasan ko ang mga matang tila namamalimos ng kapatawaran. Pero hindi madali. Hindi madaling kalimutan na gumanti siya para sa akin ng may halong karahasan. Hi
Bella's POV Pagkatapos ng hapunan ay matagal akong nanatili sa sala, tulala sa kawalan. Ang mga ilaw sa kisame ay malambot na sumisinag sa mga dingding, ngunit hindi iyon sapat para palamigin ang tensyong nararamdaman ko sa loob ng dibdib ko. Ang katahimikan ng bahay ay para bang sumisigaw sa akin, inuulit-ulit ang mga tanong na kanina ko pa pinipilit isantabi. Tumitig ako sa basong may natirang red wine sa mesa, habang ang mga daliri ko ay hindi mapakali sa ilalim ng manipis na kumot na nakabalot sa akin.Hindi ko alam kung ilang minuto o oras na akong ganoon, pero naramdaman ko ang marahang mga hakbang papalapit sa akin. Si Brent. Dahan-dahan siyang naupo sa tabi ko, tila nag-aalangan, tila may gustong sabihin pero hindi alam kung paano uumpisahan.“Bella,” tawag niya sa akin sa tonong puno ng pag-aalala. “Are you still mad?”I turned to him slowly. Tiningnan ko siya sa mga mata, sinusubukang basahin kung may bahid ng kasinungalingan sa likod ng kanyang katahimikan. Pero masyadong
Bella's POVPagkatapos ng mahabang araw sa ospital—isang sunod-sunod na operasyon, emergency cases, at masikip na rounds—pakiramdam ko ay pagod na pagod ang buong kaluluwa ko. Pero hindi iyon sapat na dahilan para hindi maramdaman ang kakaibang tensyon na bumalot sa paligid. Pagkarating ko sa nurse’s station, naabutan ko sina Nurse Lanie at Dr. Castillo na pabulong ang usapan. Nang makita nila ako, agad silang napatigil. I frowned, my brows drawing together.“May problema ba?” tanong ko, habang inaayos ang clipboard sa harapan ko. “Parang ang bigat ng paligid.”Nagkatinginan sila at sa isang kisapmata ay nakita ko ang pag-aalinlangan sa kanilang mga mata. Si Lanie ang unang nagsalita, ngunit halatang pilit ang ngiti niya.“Wala naman, dok. Medyo napagod lang kami kanina. Alam mo na, ang dami ng pasyente ngayong araw.”Hindi ako agad naniwala. I’ve been working with them for years—kilala ko kung kailan sila nagsisinungaling.“Sigurado kayo?” mas mahina kong tanong. “Ayokong nakakaramd
Brent’s POV Bago pa man ako pumasok sa silid ni Gabriel ay sinigurado ko munang abala si Bella sa ibang pasyente. Ayokong may makakita sa akin. Ayokong may pumigil. At higit sa lahat, hindi ko kailangang maging doktor niya para lang masukat kung gaano kalaking kasalanan ang ginawa niya kay Bella. Hindi niya kailanman malalaman ang bigat ng sakit na dinanas ni Bella—pero sisiguraduhin kong mararamdaman niya ito ngayon. Dahan-dahan kong binuksan ang pinto ng pribadong silid. Tahimik ang loob, malamig ang aircon, at ang tunog ng heart monitor ang tanging tunog sa paligid. Nakaupo na si Gabriel sa kama, nakasandal sa headboard, at tila naghihintay. Nang magtama ang aming mga mata, agad na nawala ang kulay sa mukha niya. “A-Anong ginagawa mo rito? Hindi naman ikaw ang doktor ko,” tanong niya, may bahid ng pagtataka pero mas nangingibabaw ang takot. Ngumiti ako. Isang malamig na ngiti na siguradong hindi niya inaasahan mula sa akin. Pinaglalaruan ko ang syringe sa pagitan ng mga daliri k
Bella’s POVPagkatapos ng mahigit apat na oras sa operating room, tuluyang natapos ang operasyon. Tagaktak ang pawis ko sa ilalim ng surgical cap, habang unti-unti kong tinanggal ang gloves ko. Nakayuko pa rin ako, pinagmamasdan ang katawan ni Gabriel na ngayon ay balot ng puting kumot, stable na ang vital signs at walang immediate danger. The ruptured spleen had been removed, the internal bleeding controlled, and his breathing had normalized. He was going to live.But what about me?Pakiramdam ko, ako ang naoperahan.“Vitals are good, Doctor,” sabi ni Nurse Flor habang kinukumpirma ang reading ng monitor. “Wala na pong active bleeding. Naka-transfer na rin sa recovery room ang pasyente.”Tumango lang ako at lumingon sa orasan. Alas-tres na ng hapon. The hospital corridors were starting to fall into silence, but my heart had not known peace all day. Tumindig ako at kinuha ang surgical gown ko, tinanggal isa-isa ang mga layer ng proteksyon na nakapaligid sa katawan ko, parang tinatangg
Bella's POV Mainit-init pa ang liwanag ng araw na tumatama sa salamin ng kwarto nang imulat ko ang aking mga mata. Dahan-dahan akong bumangon mula sa kama habang pinipilit alalahanin kung nasaan ako—hanggang sa maalala kong nasa bahay ako ni Brent. O mas tama sigurong sabihing bahay na rin namin, ayon sa kanya. Napailing ako at napabuntong-hininga habang hinahaplos ang sariling sentido. I couldn’t believe I actually let this happen. Amoy na amoy ko ang bango ng tinapay, itlog, at brewed coffee. Sumabay pa sa amoy ang mahinang tunog ng sizzling mula sa kusina. Tumayo ako at lumabas ng kwarto suot pa rin ang malambot na pajama set na iniregalo ni Mommy noong nakaraang Pasko. Nasa kusina nga si Brent—nakasuot ng plain white shirt at gray na sweatpants, nakatali ang buhok, at abala sa pag-aayos ng mga itlog sa frying pan. "Good morning, my fiancee," bati niya nang mapansin ang presensya ko. Hindi siya lumingon, pero kita ko ang ngiti sa gilid ng labi niya. “Nagising ka ba sa ingay o sa
Bella’s POVPagkatapos ng buong araw ng rounds, paperwork, at ilang emergency consults, pakiramdam ko ay bibigay na ang mga paa ko. Kaya’t halos hindi ko na ininda ang bigat ng katawan habang naglalakad palabas ng ospital. Gusto ko lang umuwi, maligo ng mainit, at humilata sa kama. Ngunit bigla akong napatigil nang mapansing may humintong itim na kotse sa mismong harapan ko.Tahimik itong umusad at huminto eksaktong nasa tapat ko. Mabilis ang kabog ng dibdib ko. Kahit na may guard at ibang staff sa paligid, hindi ko naiwasang makaramdam ng kaba—lalo na sa biglaang pangyayaring ito.Bumaba ang tinted na bintana at bumungad ang pamilyar na mukha."Good evening, my fiancée," nakangising bati ni Brent, habang sabay na bumukas ang passenger door ng kotse, all automatic.Napalinga-linga agad ako. Diyos ko, sana walang makakita sa amin. Ayoko ng tsismis. Ayoko ng tanong. Ayoko ng espekulasyon. Lalo na ngayong hindi ko pa nga alam kung saan kami pupunta.“Pasok ka na,” dagdag pa niya, ngayon