Chapter 13-Bisita

"MR. CARNIVAL, dumating na po si Mr. Racar."

Nilingon ni Conrad ang kaniyang assistant bago muling isinubo ang tabaco na hawak. "Nakita mo na ba ang asawa ko?"

"Pabalik na po siya rito, sir, galing sa opisina ng kaniyang kapatid," sagot ni Lendon sa ginoo.

"Huwag mo muna siyang patuluyin dito hangga't hindi pa kami tapos mag-usap ni Mr. Racar."

"Masusunod po, Sir." Yumukod ng ulo si Lendon bago tumalikod at lumabas na ng opisina.

Isinandal ni Conrad ang likod sa sandalan ng kinaupuan at hinintay ang pagpasok ng matalik niyang kaibigan. Isa rin ito sa kasapi ng organization nila at pumapangalawang malakas at may malaking investment sa kanilang negosyo. Noong si Laurenzo pa ang namumuno ay laging nagkakabanggaan ang dalawa at hindi nagkakasundo. Natahimik lamang ang dalawa nang bumitaw ang kaniyang bayaw na si Leonardo.

"Long time no see," ani Conrad nang makapasok na ang kaibigan. Tumayo siya at sinalubong ito.

"Hindi ka nagpasabing babalik ka na." Bati ni Racar kay Conrad habang nakip